గుడివాడ, జనవరి 16: గుడివాడ పట్టణంలోని బైపాస్ రోడ్డులో సంక్రాంతి పండుగను పురస్కరించుకుని గత నాలుగు రోజులుగా కొనసాగుతున్న తెలుగుదేశం పార్టీ బరిలో బుధవారం మధ్యాహ్నం రెండు వర్గాల మధ్య ఘర్షణ చోటు చేసుకుంది. గుడ్‌మెన్‌పేట నుండి వచ్చిన ఒక వర్గం ఇష్టానుసారంగా మరో వర్గంపై దాడి చేయడంతో నలుగురు వ్యక్తులు గాయపడ్డారు. వీరిలో ఇద్దరి పరిస్థితి విషమంగా ఉంది.

పాల్వంచ రూరల్, జనవరి 16: ఒప్పందం ప్రకారం ఇవ్వాల్సిన డబ్బులు ఇవ్వకపోవడంతో జీవితం మీద విరక్తి చెందిన ఓ వ్యక్తి మండల పరిధిలోని తోగ్గూడెం క్వారీలో దూకి ఆత్మహత్య చేసుకున్న సంఘటన మంగళవారం ఆ గ్రామంలో విషాదం నింపింది.

లేపాక్షి, జనవరి 16 : మండల పరిధిలోని మామిడిమాకులపల్లి సమీపంలో హంద్రీనీవా కాలువలో ఓ పసికందు శవం లభ్యమైంది. మంగళవారం మామిడిమాకులపల్లికి చెందిన కొందరు హంద్రీనీవా కాలువ గట్టుపై వెళ్తుండగా పసికందు శవం నీటిలో కనిపించింది. విషయాన్ని వెంటనే పోలీసులకు తెలియజేయగా హుటాహుటిన ఘటనా స్థలానికి చేరుకుని పనికందు శవాన్ని వెలికితీశారు. శవంపై కడుపు కుడి వైపు గాయాలకు గురైనట్లు గుర్తించారు.

జలుమూరు, జనవరి 16: మండలం తిలారు రైల్వే స్టేషన్ సమీపంలో బుధవారం తెల్లవారుజామున గుర్తుతెలియని వ్యిక్తి మృతదేహం లభ్యమయింది. స్థానికుల సమాచారం మేరకు రైల్వే పోలీసులు తెలుసుకున్న వెంటనే సంఘటనాస్థలానికి చేరుకున్నారు. ఇక్కడ దృశ్యాన్ని చూసి ఆచూకి తెలియలేదని పోలీసులు తెలుపుతున్నారు. మృతుడు నల్లజీన్‌ఫ్యాంట్, బ్లూకలర్ టీషర్ట్ ధరించి ఉన్నట్లు పోలీసులు తెలిపారు.