హైదరాబాద్, డిసెంబర్ 21: పోలీసు శాఖలో కానిస్టేబుల్‌గా పనిచేస్తున్న వ్యక్తి తన తండ్రి గొంతు నులిమి హతమార్చిన సంఘటన గాంధీనగర్‌లో చోటు చేసుకుంది. ముషీరాబాద్ పోలీస్టేషన్ పరిధిలోని గాంధీనగర్‌లో చోటు చేసుకున్న ఈ సంఘటనకు సంబంధించి, పోలీసుల కథనం ప్రకారం.. గాంధీనగర్‌కు చెందిన ఎల్లయ్య కుమారుడు వెంకటేశ్‌కు భార్య, ముగ్గురు పిల్లలు ఉన్నారు.

షిల్లాంగ్, డిసెంబర్ 21: మేఘాలయలో అక్రమ బొగ్గు గనిలో నీరు ప్రవేశించడంతో, గనిలో చిక్కుకున్న 13 మంది కార్మికులు జీవించి ఉంటారని అధికారులు భావిస్తున్నారు. ఈ గనిలో నీటి మట్టం గణనీయంగా తగ్గింది. వీరంతా గత 13వ తేదీ నుంచి ఆహారం, నీరు లేకుండా జీవిస్తున్నారు. తూర్పు జైంతియా హిల్స్‌లోని ఈ గనిలో సహాయక చర్యలను ముమ్మరం చేసినట్లు పోలీసులు, అధికారులు తెలిపారు.

గుంటూరు, డిసెంబర్ 21: గుంటూరు జిల్లా పల్నాడు ప్రాంతంలో లో శుక్రవారం ఒక్కసారిగా బాంబులు కలకలం రేపాయి. రెంటచింతల మండలం మంచికల్లు గురజాల ఎమ్యెల్యే యరపతినేని శ్రీనివాసరావు స్వగ్రామం. శనివారం ఈ గ్రామంలో పోలేరమ్మ జాతర నిర్వహించాల్సి ఉంది. ఇందులో భాగంగా గ్రామంలో ఎటువంటి అవాంఛనీయ సంఘటనలు జరగకుండా పోలీసులు విస్తృత తనిఖీలు చేపట్టారు.

మచిలీపట్నం, డిసెంబర్ 21: ముంబైలో సాఫ్ట్‌వేర్ ఇంజనీర్‌గా పనిచేస్తూ నాలుగేళ్ల క్రితం దారుణ హత్యకు గురైన కృష్ణాజిల్లా మచిలీపట్నానికి చెందిన సింగవరపు ఎస్తేర్ అనూహ్య హత్య కేసులో నిందితుడి మరణ శిక్షను ముంబై హైకోర్టు శుక్రవారం ఖరారు చేసింది. ఈ కేసులో ప్రధాన నిందితుడైన చంద్రభానుకు గతంలోనే ముంబై సెషన్స్ కోర్టు మరణ శిక్ష విధించింది.