ఏలూరు, నవంబర్ 21 : స్థానిక జిల్లా జైలులో తాడేపల్లిగూడెంనకు చెందిన మారగాని గోపాలకృష్ణ(70) అనే వృద్దుడు బుధవారం మృతిచెందాడు. గోపాలకృష్ణ బుధవారం ఉదయం జైలులో టి తాగుతూ అస్వస్థతకు గురయ్యాడు. వెంటనే అతన్ని చికిత్స నిమిత్తం స్థానిక ప్రభుత్వాసుపత్రికి తరలించగా అప్పటికే మృతిచెందినట్లు వైద్యులు ధృవీకరించారు. గోపాలకృష్ణ గత కొద్దిరోజులుగా జిల్లా జైలులో ఎన్ ఐ యాక్ట్ కేసులో శిక్ష అనుభవిస్తున్నాడు.

న్యూఢిల్లీ, నవంబర్ 21: అండమాన్ నికోబర్ దీవుల్లో ఓ అమెరికా జాతీయుడు దారుణ హత్యకు గురయ్యాడు. నార్త్ సెంటినీల్ ద్వీపంలో ఈ దారుణం చోటు చేసుకుంది. ఓ గిరిజన తెగకు చెందిన వారే ఈ ఘాతుకానికి పాల్పడినట్టు అధికారులు అనుమానిస్తున్నారు. ఢిల్లీలోని అమెరికా కాన్సులేట్ తమ పౌరుడు అదృశ్యమైనట్టు ప్రకటించింది.

మహదేవ్‌పూర్, నవంబర్ 21: మహారాష్ట్ర నుండి పవిత్ర పుణ్య క్షేత్రమైన కాళేశ్వరంలోని శ్రీ కాళేశ్వర ముక్తీశ్వరస్వామిని దర్శించుకోవడానికి వచ్చిన 10 మంది భక్తుల్లో ముగ్గురు త్రివేణి సంగమం గోదావరి ఒడ్డున గల్లంతైన సంఘటన బుధవారం చోటు చేసుకుంది.

తాడిపత్రి, నవంబర్ 20: ప్రభుత్వ ఆసుపత్రి మరుగుదొడ్డిలో మహిళ అనుమానాస్పదస్థితిలో మృతి చెందింది. మరుగుదొడ్డి కిటికీకి ఉరేసుకుని ఆత్మహత్య చేసుకుంది. అనంతపురం జిల్లా తాడిపత్రిలో మంగళవారం జరిగిన ఈ సంఘటన వివరాలు ఇలా ఉన్నాయి. యాడికి మండలం చింతరాయపల్లెకు చెందిన మెహరూన్‌బీ(50) చికిత్స కోసం ఈనెల 6వ తేదీ తాడిపత్రి ప్రభుత్వ ఆసుపత్రిలో చేరింది.