ధర్మవరం, నవంబర్ 9 : ధర్మవరం చెరువులో దూకి యువకుడు ఆత్మహత్య చేసుకున్న ఘటన శుక్రవారం చోటుచేసుకుంది. పట్టణంలోని సంజయ్‌నగర్‌కు చెందిన పోలశెట్టి పురుషోత్తం (30) కూలి మగ్గం నేస్తూ కుటుంబాన్ని పోషించుకునేవాడు. ఇతడికి ఏడేళ్ల క్రితం స్వాతితో వివాహమైంది. పెళ్లయిన తర్వాత వేరుగా కాపురం పెట్టుకుని జీవిస్తున్నారు. అయితే గురువారం సాయంత్రం బయటికి వెళ్లిన పురుషోత్తం శుక్రవారం చెరువులో శవమై తేలాడు.

భూదాన్ పోచంపల్లి, నవంబర్ 9: మండలంలోని పిల్లాయిపల్లి గ్రామంలో అబ్బవతి మల్లమ్మ(70) వృద్దురాలిని గురువారం రాత్రి గుర్తు తెలియని వ్యక్తులు దారుణంగా హత్య చేశారు. పోలీసులు, బంధువులు తెలిపిన వివరాల ప్రకారం ఇంట్లో ఎవరూ లేని సమయంలో వృద్దురాలికి కుంకుమ చల్లి, నోట్లో మూగజీవాల పేగులు కుక్కడంతో ఊపిరి ఆడక మృతి చెందిందని పోలీసులు అనుమానిస్తున్నారు.

మాకవరపాలెం, నవంబర్ 8: తూర్పుగోదావరి జిల్లా గొల్లప్రోలు మండలం చేప్రోలు వద్ద జరిగిన రోడ్డు ప్రమాదంలో గాయపడిన మహిళ మృతి చెందింది. గత నెల 22వ తేదీన జరిగిన రోడ్డు ప్రమాదంలో మండలంలో జి.వెంకటాపురంకు చెందిన ఏడుగురు మహిళలతో పాటు జి.కోడూరుకు టాటా మ్యాజిక్ డ్రైవర్ మళ్ళ సంతోష్ తోపాటు కోటవురట్ల మండలం కె.వెంకటాపురంకు చెందిన నాగరాజులు దుర్మరణం చెందిన విషయం తెలిసిందే. ఇదే ప్రమాదంలో మరో ఏడుగురు గాయపడ్డారు.

వాకాడు, నవంబర్ 8: మండల పరిధిలోని అందలమాల గ్రామంలో పండుగపూట విషాదచాయలు అలముకున్నాయి. గ్రామానికి చెందిన ఒక రైతు పొలం పనులు చేసుకుని ట్రాక్టర్‌పై తిరిగి వస్తుండగా అదుపుతప్పి ట్రాక్టర్ బోల్తాపడటంతో ఆ రైతు అక్కడికక్కడే మృతిచెందగా, తన కుమారుడు మరణాన్ని తట్టుకోలేక ఆయన తల్లి దుర్మరణం చెందింది.