కోచ్చి, నవంబర్ 5: ‘శబరిమల క్షేత్రంలోని అయ్యప్ప ఆలయ దైనందిన వ్యవహారాల్లో చోటుచేసుకునే హక్కు మీకులేదు. అక్కడి శాంతిభద్రతల నిర్వహణ విషయానికే మీరు పరిమితమ’ని కేరళ హైకోర్టు అక్కడి రాష్ట్ర ప్రభుత్వాన్ని హెచ్చరించింది. ఈ క్షేత్రంలో దైవ దర్శనార్థం కొండెక్కే భక్తులకు కష్టాలు కలిగేలా వ్యవహరిస్తున్న పోలీసుల వైఖరిని సైతం ఉన్నత న్యాయస్థానం తప్పుపట్టింది.

న్యూఢిల్లీ, నవంబర్ 5: ఆంధ్రప్రదేశ్ హైకోర్టు వచ్చే సంవత్సరం జనవరి ఒకటో తేదీనుండి ప్రారంభం అవుతుందని సుప్రీం కోర్టు తెలిపింది. ఆంధ్రప్రదేశ్, తెలంగాణ హైకోర్టులను విభజించేందుకు సంబంధించిన నోటిఫికేషన్ 2019 జనవరి ఒకటో తేదీన జారీ చేయవచ్చునని సుప్రీం కోర్టు కేంద్ర ప్రభుత్వానికి సూచించింది. టి.్ధనగోపాల్ తదితరులు వేసిన పిటిషన్‌పై సుప్రీం తీర్పిస్తూ ఈ విషయం తెలిపింది.

అల్వాల్, నవంబర్ 5: అల్వాల్ పోలీస్ స్టేషన్ పరిధిలోని మచ్చబొల్లారం కృష్ణనగర్ దిన్సిబస్తీలో దారుణం జరిగింది. కుటుంబ కలహాల వల్ల గృహిణి తన ఇద్దరు కూతుళ్లతో పాటు తాను కూడా కాల్చుకుని ఆత్మహత్యాయత్నం చేసింది. కాలిన గాయాలకు చిన్నారులు కేకలు వేయటంతో ఇరుగు పొరుగువారు కలుగ జేసుకుని, ఇంటి దర్వాజాలు పగులగొట్టి కాలిన గాయాలతో ఉన్న వారిని స్థానిక ఆసుపత్రికి తరలించారు.

మచిలీపట్నం, నవంబర్ 5: జిల్లా వ్యాప్తంగా పోలీసు స్టేషన్లలో నమోదవుతున్న ప్రతి కేసును ఛాలెంజ్‌గా తీసుకుని నిందితులందరినీ అరెస్టు చేస్తున్నామని జిల్లా పోలీసు సూపరింటెండెంట్ సర్వశ్రేష్ఠ త్రిపాఠి తెలిపారు. గత నెల 19వతేదీన జిల్లా కేంద్రం మచిలీపట్నం ఐదు రోడ్ల సెంటరులో ఓ వృద్ధురాలి మెడలో బంగారు అభరణాలను తస్కరించిన నలుగురు అంతర్ జిల్లా నేరస్తులను అరెస్టు చేసి సోమవారం మీడియా ముందు హాజరు పరిచారు.