తిరుపతి, అక్టోబర్ 29: స్థానిక అన్నారావు సర్కిల్ సమీపంలో భవానీ నగర్ నుంచి రుయా హాస్పిటల్ వైపు వెళుతున్న ప్రైవేట్ బస్సు ఢీకొని గుర్తు తెలియని దాదాపు 35 సంవత్సరాలు వయస్సున్న మహిళ మృతి చెందింది. రోడ్డు దాటుతున్న ఆమెను బస్సు ఢీకొన్న సంఘటనలో ఆమె తలకు తీవ్రగాయమైంది. స్థానికులు వెంటనే ఆమెను రుయా ఆస్పత్రికి తరలించినా ప్రయోజనం లేకుండా పోయింది.

గోదావరిఖని టౌన్, అక్టోబర్ 29: ప్రజల రక్షణ కోసం ఎప్పటికప్పుడు గస్తీ తిరిగే బ్లూకోట్స్, పెట్రోలింగ్ బృందాలు పూర్తిగా అప్రమత్తంగా ఉండాలని రామగుండం పోలీస్ కమీషనర్ వి.సత్యనారాయణ తెలిపారు. సోమవారం ఎన్టీపీసీ ఇడిసి సెంటర్‌లో బ్లూకోట్స్, వాహనాల తనిఖీ బృందాలకు ఒక్క రోజు శిక్షణా తరగతులను నిర్వహించారు. ఈ కార్యక్రమానికి హాజరైన సిపి సత్యనారాయణ వాహనాల తనిఖీ బృందాలకు ప్రత్యేక సూచనలు చేశారు.

ద్వారకాతిరుమల, అక్టోబర్ 29: జ్వరంతో బాధపడుతున్న ఓ విద్యార్థిని ఆసుపత్రిలో చికిత్స పొందుతూ మృతిచెందింది. ఈ ఘటన మండలంలోని దొరసానిపాడులో సోమవారం చోటుచేసుకుంది. మృతురాలి కుటుంబ సభ్యులు తెలిపిన కథనం ప్రకారం..గ్రామానికి చెందిన ఉనమట్ల రాంబాబు, లక్ష్మి దంపతులకు ముగ్గురు కుమార్తెలు. వీరిలో రెండవ కుమార్తె ప్రసన్న (16) జంగారెడ్డిగూడెంలోని వెంకటేశ్వర కళాశాలలో ఇంటర్ ప్రథమ సంవత్సరం చదువుతోంది.

రాజమహేంద్రవరం, అక్టోబర్ 29: రాజమహేంద్రవరం రూరల్ కొంతమూరు గ్రామంలోని జంగాలకాలనీలో మరోసారి అగ్నిప్రమాదం జరిగింది. 2016లో ఇదే కాలనీలో అగ్నిప్రమాదం జరిగింది. ఆ సంఘటనలో సుమారు 95 ఇళ్లు దగ్ధమయ్యాయి. అప్పటి నుంచి బాధితులు తాత్కాలిక ఆవాసాలు ఏర్పాటు చేసుకుని జీవిస్తున్నారు. సోమవారం తెల్లవారుజామున 4.30 గంటలకు మళ్లీ అదే ప్రాంతంలో అగ్నిప్రమాదం సంభవించింది. ఈ సంఘటనలో 33 ఇళ్లు అగ్నికి ఆహుతయ్యాయి.