తిరువనంతపురం, అక్టోబర్ 28: స్వామి అయ్యప్ప దేవాలయంలో మహిళల ప్రవేశానికి సంబంధించి పరుష వ్యాఖ్యలు చేసిన అయ్యప్ప ధర్మసేన అధ్యక్షుడు రాహుల్ ఈశ్వర్‌ను పోలీసులు కస్టడీలోకి తీసుకున్నారు. కొచికి చెందిన పోలీసులు ఈశ్వర్‌ను అరెస్టు చేశారు. ఐపీసీ సెక్షన్ 153, ఐపీసీ 117 కింద కేసులు నమోదు చేశారు. మహిళలు కనుక దేవాలయంలో ప్రవేశిస్తే రక్తపాతం సృష్టిస్తామంటూ రాహుల్ ఈశ్వర్ గత వారం విలేఖర్ల సమావేశంలో హెచ్చరించారు.

డి గన్నవరం, అక్టోబర్ 28: పాఠశాలకు సెలవురోజు కావడంతో పి గన్నవరం హైస్కూల్ గ్రౌండ్‌లో అప్పటివరకు తోటి పిల్లలతో ఆటలు ఆడి మధ్యాహ్నం 12 గంటలకు సేద తీరేందుకు గోదావరి చెంతకు చేరారు. గోదావరి నదిలో స్నానానికని నలుగురు విద్యార్థులు దిగారు. నదికి పోటు సమయం కావడంతో వారు నది మధ్యలో ఉన్న దిబ్బకు వెళ్లే తొందరలో గోదావరి నదీ ప్రవాహాన్ని గమనించలేదు. దీనితో ఆ నలుగురూ ప్రహహంలో చిక్కుకున్నారు.

కీసర, కుషాయిగూడ, అక్టోబర్ 28: ఆధ్యాత్మికత ముసుగులో అమాయక యువతులకు మాదకద్రవ్యాలను అలవాటు చేసిన హోమీజేబాబా ఆశ్రమం వద్ద తల్లిదండ్రులు ఆందోళన చేశారు. యువతుల తల్లిదండ్రులు తెలిపిన కథనం ప్రకారం కాప్రా వంపుగూడలో ఆధ్యాత్మిక ఆశ్రమం పేరుతో ఆదిలాబాద్ జిల్లాకు చెందిన యువతులను తీసుకొచ్చి బంధించినట్లు ఆందోళన వ్యక్తం చేశారు.

కొత్తకోట ,అక్టోబర్ 28: మండల కేంద్ర సమీపంలోని పెట్రోల్ బంకు వద్ద పోలీసులు ఏర్పాటు చేసిన చెక్‌పోస్టువద్ద ఎస్‌ఐ తనిఖి చేస్తుండగా రూ. 6లక్షలు సీజ్ చేసినట్లు సీఐ వెంకటేశ్వర్లు, ఎస్‌ఐ రవికాంత్‌రావులు తెలిపారు. టీఎస్ 06వికె 4371 అనే నెంబర్ గల ద్విచక్ర వాహనంపై కనిమెట్టకి చెందిన మల్లేష్ రూ.4లక్షలు తరలిస్తుండగా వాహనాన్ని సీజ్ చేశారు.