గుండాల, అక్టోబర్ 11: అప్పుల బాధతో రైతు మృతి చెందిన సంఘటన మండలంలోని బ్రామ్మణపల్లిలో గురువారం చోటుచేసుకుంది. కుటుంబ సభ్యులు పోలీసులు తెలిపిన వివరాల ప్రకారం గ్రామానికి చెందిన రైతు కదిరం సత్తయ్య (55) తనకున్న 3ఎకరాల వ్యవసాయ భూమికి సాగు కోసం లక్ష రూపాయలు అప్పు తెచ్చి పంట సాగుచెయ్యగా పంట దిగుబడి రాకపోవడంతో మనస్తాపానికి చెంది తన వ్యవసాయ భూమిలో పురుగుల మందుతాగి మృతిచెందినట్లు తెలిపారు.

నెల్లూరు, అక్టోబర్ 11: అమెరికన్ డాలర్ల మార్పిడి పేరుతో అమాయకులను లక్ష్యంగా చేసుకొని మోసాలకు పాల్పడుతున్న ఢిల్లీకి చెందిన ముగ్గురు సభ్యుల ముఠాను నెల్లూరు క్రైం బ్రాంచ్, కోవూరు పోలీసులు సంయుక్తంగా పట్టుకున్నారు. ఈ సంఘటనకు సంబంధించిన వివరాలను క్రైం బ్రాంచ్ డిఎస్పీ ఎం.బాలసుందరరావు గురువారం తన కార్యాలయంలో ఏర్పాటు చేసిన విలేఖరుల సమావేశంలో వెల్లడించారు. ఆయన తెలిపిన సమాచారం మేరకు..

క్రోసూరు, అక్టోబర్ 11: మండలంలోని యర్రబాలెం బ్రిడ్జి సమీపాన సత్తెనపల్లి వైపు వెళ్తున్న లారీ కస్తల నుండి బైకుపై వస్తున్న షేక్ ఖాజావలి (22), బత్తుల రామకృష్ణ (21) ను ఢీ కొంది. ఈ ప్రమాదంలో షేక్ ఖాజావలి అక్కడికక్కడే మృతిచెందగా, రామకృష్ణను సత్తెనపల్లి ఆసుపత్రికి తరలిస్తుండగా మార్గమధ్యలో మృతిచెందాడు. సంఘటనా స్థలానికి ఎస్‌ఐ గాలి ఏడుకొండలు చేరుకుని కేసు నమోదు చేసి దర్యాప్తు చేస్తున్నారు.

విడపనకల్లు, అక్టోబర్ 11 : మండల పరిధిలోని జనార్ధనపల్లి గ్రామం సమీపంలోని జీబీసీ కాలువలో గురువారం గుర్తు తెలియని వ్యక్తి శవం లభ్యమైంది. మృతి చెందిన వ్యక్తి వయసు 50 ఏళ్ల ఉండి, శరీరంపై బనియన్ తప్ప మరేమీ లేదని ఎస్సై తెలిపారు. ప్రమాదవశాత్తు కాలువలో పడి మృతి చెందాడా, ఆత్మహత్య చేసుకున్నాడా, ఎవరైనా హత్య చేసి వేశారా అనే కోణాలపై దర్యాప్తు చేస్తున్నట్లు తెలిపారు.