న్యూఢిల్లీ, అక్టోబర్ 4: మైన్మార్‌కు చెందిన ఏడుగురు రోహింగ్యాలను ఆ దేశానికి అప్పగించే విషయంలో తాము జోక్యం చేసుకోబోమని సుప్రీంకోర్టు స్పష్టం చేసింది. ఏడుగురు రోహింగ్యాలు అక్రమంగా దేశంలోకి వచ్చి స్థిరపడినట్లు రుజవైనందున కోర్టు శిక్ష కూడా విధించిందని, మియాన్మార్ కూడా తమ దేశ పౌరులని గుర్తించిందని సుప్రీంకోర్టు పేర్కొం ది.

న్యూఢిల్లీ, అక్టోబర్ 4: తెలంగాణ ఓటర్ల జాబితాలో అవకతవకలు జరిగాయంటూ దాఖలైన పిటిషన్, శాసన సభకు ముందుస్తు ఎన్నికలపై దాఖలైన పిటిషన్‌పై ఉమ్మడి హైకోర్టుకు వెళ్లాలని సుప్రీం కోర్టు సూచించింది. సుప్రీం కోర్టులో దాఖలైన ఈ రెండు రిట్ పిటిషన్‌లను కొట్టివేస్తూ ఓటర్ల జాబితాలో అభ్యంతరాలపై శుక్రవారం హైకోర్టులో రిట్ పిటిషన్ దాఖలు చేయాలని పిటిషనర్లకు ధర్మాసనం సూచించింది.

మేదరమెట్ల, అక్టోబర్ 4 : ఇంటి తాళం తీసుకొని పట్టపగలు గుర్తు తెలియని వ్యక్తులు బీరువాలోని బంగారు నగలను దొంగలించిన సంఘటన కొరిశపాడు పోలీస్‌స్టేషన్ పరిధిలో జరిగింది. వివరాలిలా ఉన్నాయి. మండలంలోని తమ్మవరం గ్రామానికి చెందిన యద్దనపూడి పోతురాజు వ్యవసాయ పనుల నిమిత్తం పొలానికి వెళుతూ ఇంటికి తాళం వేసి తాళం చెవిని గూటిలో పెట్టి వెళ్లాడు.

న్యూఢిల్లీ, అక్టోబర్ 3: లాభాపేక్ష వ్యవహారానికి సంబంధించిన అంశంలో అనర్హత వేటుకు గురైన ఎమ్మెల్యేలపై తన స్పందన తెలియచేయాలని ఢిల్లీ హైకోర్టు ఆదేశాలు జారీ చేసింది. ఈ పిటిషన్‌ను అనర్హతకు గురైన ఆమ్ ఆద్మీ పార్టీ ఎమ్మెల్యేలు దాఖలు చేశారు. ఈ కేసును హైకోర్టు న్యాయమూర్తి జస్టిస్ సిద్ధార్థ మృదుల్ విచారించారు.