కదిరి, సెప్టెంబర్ 28 : నకిలీ పాసుపుస్తకాల కేసులో ఇద్దరిని అరెస్టు చేసినట్లు రూరల్ సీఐ మన్నూరుద్దీన్ తెలిపారు. శుక్రవారం స్థానిక సర్కిల్ కార్యాలయంలో ఏర్పాటు చేసిన విలేఖరుల సమావేశంలో ఆయన మాట్లాడుతూ తనకల్లు మండల కేంద్రంలో ఈనెల 26న పోలీసులు దాడి చేయడంతో దొరికిన నకిలీ పాసు పుస్తకాల కేసుకు సంబంధించి శివశంకర్ జిరాక్స్ సెంటర్ యజమాని శివశంకర్‌తోపాటు గంగులప్పను అరెస్టు చేసినట్లు తెలిపారు.

నేరడిగొండ,సెప్టెంబర్ 27: నేరడిగొండ మండలంలోని వాగ్దారి గ్రామానికి చెందిన గిరిజన రైతు రాథోడ్ పాండు(60) పోలీసుల వేదింపులు తాళలేక మనస్థాపంతో గురువారం పురుగుల మందు తాగి ఆత్మహత్య చేసుకున్న సంఘటన విషాదం నింపింది.

మల్యాల, సెప్టెంబర్ 27: మల్యాల మండలం నూకపల్లి శివారు గాడుదల గుట్ట ప్రాంతంలో గురువారం రెండు మృతదేహాలను పోలీసులు కనుగొన్నారు. వీరిద్దరూ గొల్లపల్లి మండలం తిర్మలాపూర్ గ్రామానికి చెందిన వెల్మల ఉమారాణి (40), గాదె కిరణ్‌కుమార్ (31)గా పోలీసులు గుర్తించారు. వేటగాళ్లు వన్యప్రాణుల కోసం ఏర్పా టు చేసిన కరెంట్ తీగెలపై మృతులు పడి ఉండడంతో బలైనట్లుగా స్థానికులు భావిస్తున్నారు.

ఉప్పల్, సెప్టెంబర్ 27: త్రిబుల్ రైడింగ్ రోడ్డు ప్రమాదానికి దారితీసింది. ఈ ఘటనలో ఎంబీఏ విద్యార్థిని దుర్మరణం చెందగా మరో ఇద్దరికి తీవ్ర గాయాలయ్యాయి. ఈ సంఘటన మేడిపల్లి పోలీసుస్టేషన్ పరిధిలో జరిగింది. పోలీసుల కథనం ప్రకారం.. బోడుప్పల్ లక్ష్మీనగర్‌లో నివసిస్తున్న పీ.వెంకట సంధ్యారాణి (22) ఘట్‌కేసర్‌లోని సంస్కృతి ఇంజనీరింగ్ కళాశాలలో ఎంబీఏ చదువుతోంది.