న్యూఢిల్లీ, సెప్టెంబర్ 17: మాజీ ప్రధాని రాజీవ్‌గాంధీ హత్యకేసు నిందితులు ఏడుగురిని విడిచిపెట్టాలని తమిళనాడు ప్రభుత్వం తీసుకున్న నిర్ణయంపై అభ్యంతరం వ్యక్తం చేస్తూ సంఘటనలో మృతి చెందిన వారి బంధువులు దాఖలు చేసిన పిటిషన్‌ను సుప్రీం కోర్టు సోమవారం స్వీకరించింది.

న్యూఢిల్లీ, సెప్టెంబర్ 17: నేషనల్ హెరాల్డ్ నిధుల కుంభకోణం కేసులో కాంగ్రెస్ అధ్యక్షుడు రాహుల్ గాంధీ, సోనియా గాంధీ మోసం, నేరపూరిత కుట్రలకు పాల్పడ్డారని బీజేపీ నాయకుడు సుబ్రమణియన్ స్వామి ఆరోపించారు. ఈమేరకు సోమవారం ఢిల్లీ అడిషనల్ చీఫ్ మెట్రోపాలిటన్ మేజిస్ట్రేట్ సమర్ విశాల్ ఎదుట ఆయన తాను చేసిన ఆరోపణలకు సంబంధించిన వాదనలను వినిపించారు.

న్యూఢిల్లీ, సెప్టెంబరు 17: తిరుమల తిరుపతి దేవస్థానం పాలనా నిర్వహణపై ప్రభుత్వ జోక్యాన్ని సవాలు చేస్తూ బీ.జే.పీ రాజ్యసభ సభ్యుడు సుబ్రహ్మణ్య స్వామి దాఖలు చేసిన పిటిషన్‌ను సుప్రీంకోర్టు తోసిపుచ్చింది. టీ.టీ.డీ పాలనా నిర్వహణ తదితర అంశాలు ప్రభుత్వం జోక్యం లేకుండా స్వతంత్రంగా వ్యవహరించే విధంగా ఆదేశాలు ఇవ్వాలని కొరతూ సుప్రీంకోర్టులో సుబ్రహ్మణ్యస్వామి పిటిషన్ దాఖలు చేశారు.

తోట్లవల్లూరు, సెప్టెంబర్ 17: మండలంలోని చాగంటిపాడు కళ్ళంవారిపాలెంలో ఆదివారం రాత్రి తాళం వేసి ఉన్న రెండు ఇళ్లలో చోరి జరిగింది. అలాగే తోట్లవల్లూరు గ్రామంలో 5 గొర్రెలను అపహరించారు. కళ్ళంవారిపాలెంలో పాములపాటి పిచ్చిమ్మ, పాములపాటి బసివిరెడ్డి ఇళ్ళల్లో చోరీలకు దొంగలు తెగబడ్డారు. పిచ్చిమ్మ, బసివిరెడ్డి హైదరబాద్‌లోని కుమారుల వద్దకు వెళ్లారు. సుమారు 15 రోజుల నుంచి రెండిళ్లకు తాళాలు వేసి ఉన్నాయి.