పలాస, సెప్టెంబర్ 12: పలాస సబ్‌రిజిస్ట్రర్ కార్యాలయంలో బుధవారం ఉదయం 11 గంటల ప్రాంతంలో కార్యాలయం రద్దీగా ఉన్న సమయంలో ఏసీబీ డి ఎస్పీ కె.రాజేంద్ర బృందం చేరుకుంది. అనంతరం తాము ఏసీబీ అధికారులమని, మొత్తం రికార్డులు తనిఖీ చేయడంతోపాటు దర్యాప్తుకు సహకరించాలని సబ్‌రిజిస్ట్రర్ రాజుకు కోరగా, ఎక్కడికక్కడే రిజిస్ట్రేషన్‌లను నిలుపుదల చేసి కార్యాలయాన్ని ఏసీబీ అధికారులకు అప్పగించారు.

గుంటూరు (అరండట్‌పేట) సెప్టెంబర్ 12: ఏమీ తెలియని వ్యక్తుల్లా రోడ్ల వెంట, అపార్ట్‌మెంట్‌లలో అద్దెకు ఇళ్లు కావాలని తిరుగుతారు.. సాయంత్రానికి తమ పని కానిచ్చేస్తారు... ఎంత దొరికితే అంతా మొత్తం దోచుకుని తమ సొంత ప్రాంతానికి వెళ్లి జల్సాలు చేస్తారు. ఇదీ ప్రస్తుతం రాజధాని పరిధిలో సంచరిస్తున్న అంతరాష్ట్ర దొంగల ముఠా పని.

గుంటూరు (అరండల్‌పేట) సెప్టెంబర్ 12: చెడు వ్యసనాలకు బానిసలై ద్విచక్ర వాహనాలను చోరీ చేస్తున్న ఐదుగురు ముఠా సభ్యులను గుంటూరు రూరల్ పోలీసులు అరెస్టు చేశారు. ఈ మేరకు వారి వద్ద నుంచి 4 లక్షల రూపాయల విలువచేసే 8 ద్విచక్రవాహనాలు స్వాధీనం చేసుకున్నారు. కేసుకు సంబంధించిన వివరాలను రూరల్ పోలీసులు బుధవారం వెల్లడించారు.

పామిడి, సెప్టెంబర్ 12: మండల పరిధిలోని రామగిరి గ్రామంలో వివాహిత తిరుపతమ్మ (35) మృతి వివాదస్పదంగా మారింది. తిరుపతమ్మ శరీరంపై ఎలాంటి గాయాలు లేవని, సంసారం విషయంలో బార్య భర్తలు వాదులాడుకున్నారని ఈక్రమంలో భర్త వడ్డే సుధాకర్ ఇంట్లోని ఫ్యాన్‌కు చీరతో ఉరివేశాడని, మా అమ్మ కేకలు వేయటంతో పారిపోయాడంటూ బుధవారం మృతురాలి సోదరి వడ్డే నిర్మల పోలీసులకు ఫిర్యాదు చేసింది.