సిద్దిపేట, జూన్ 25 : అంతర్‌జిల్లాను దొంగను అరెస్టు చేసి 22తులాల బంగారం, 1.25 కిలోల వెండి, 35వేల నగదు స్వాధీనం చేసుకున్నట్లు సిద్దిపేట పోలీస్ కమిషనర్ జోయల్ డేవీస్ వెల్లడించారు. సోమవారం సిద్దిపేట పోలీస్ కమిషనరేట్ కార్యాలయంలో ఏర్పాటు చేసిన విలేఖరుల సమావేశంలో ఆయన మాట్లాడారు.

కర్నూలు, జూన్ 24 : ఓర్వకల్లు మండల పరిధిలోని సోమయాజులపల్లె గ్రామం వద్ద ఆదివారం తెల్లవారుజామున జరిగిన రోడ్డు ప్రమాదంతో కర్నూలు-నంద్యాల ప్రధాన రహదారి రక్తసిక్తమైంది. ఆ రహదారిపై ఓ ఆటో పరిమితికి మించి ప్రయాణికులతో రాంగ్ రూట్‌లో వెళ్తుండగా నంద్యాల నుంచి వేగంగా వస్తున్న ఆర్టీసీ బస్సు బలంగా ఢీకొంది. ఈ సంఘటనలో ఆటోలో ప్రయాణిస్తున్న 9 మంది మృతి చెందగా మరో ఐదుగురు తీవ్రంగా గాయపడ్డారు.

దాచేపల్లి, జూన్ 24: సార్వత్రిక ఎన్నికలకు ఇంకా ఏడాది సమయం ఉన్నప్పటికీ ఇప్పటి నుండే పల్నాడులో కక్షల సెగ రాజుకుంటోంది. గుంటూరు జిల్లా దాచేపల్లి మండలం తంగెడ గ్రామంలో మంచినీటి వద్ద జరిగిన వివాదం చిలికి చిలికి గాలివానలా మారడంతో తెలుగుదేశం, వైసీపీ కార్యకర్తలు మారణాయుధాలతో పరస్పరం దాడులకు దిగడంతో ఇరు పార్టీలకు చెందిన 8మంది కార్యకర్తలు తీవ్రంగా గాయపడ్డారు.

అమీన్‌పూర్, జూన్ 23: ప్రమాదాలకు నిలయంగా మారిన అగర్వాల్ స్టీల్ పరిశ్రమ యాజమాన్యం అమాయక కార్మికుల జీవితాలతో చెలగాటమాడుతూనే ఉంది. కార్మిక శాఖ, కాలుష్య నియంత్రణ శాఖలు మాత్రం యాజమాన్యం అలసత్వానికి వత్తాసు పలుకుతున్నాయన్న ఆరోపణలు వెలువెత్తుతున్నాయి. ఆయా ప్రమాదాల్లో కార్మికులు మరణిస్తున్నా సంబంధిత శాఖల అధికారులు చర్యలు తీసుకోవడంలో ఘోరంగా విఫలమవుతున్నారు.