కుషాయగూడ, జూన్ 15: ప్రేమ వివాహం చేసుకున్న యువతిని అపహరించిన ఘటన కుషాయిగూడ స్టేషన్ పరిధిలో కలకలం సృష్టించింది. ఎస్‌ఐ జి.చంద్రశేఖర్, బాధితులు పోలీసుల కథనం ప్రకారం- కుషాయిగూడ- చక్రీపురంలోని నివసిస్తున్న అరుగుల ఆనంద్ బోర్‌వెల్ కంపెనీలో ఉద్యోగం చేస్తున్నాడు. కరీంనగర్ జిల్లాకు చెందిన పప్పుల రుచితను ప్రేమించి ఇటీవల ఆర్యసమాజ్‌లో వివాహం చేసుకున్నాడు. ఈ వివాహంపై రుచిత తల్లిదండ్రులు భగ్గుమన్నారు.

గచ్చిబౌలి, జూన్ 15: పగలు వాచ్‌మెన్ డ్యూటీ, రాత్రి పని చేస్తున్న ఇళ్లల్లో దొంగతనాలు చేస్తున్న అసోం రాష్ట్రానికి చెందిన యువకుడిని మాదాపూర్ పోలీసులు అరెస్టు చేశారు. నిందితుడి నుంచి రెండు లక్షల విలువ చేసే ఎలక్ట్రానిక్ వస్తువులను స్వాధీనం చేసుకున్నట్లు మాదాపూర్ డీసీపీ వెంకటేశ్వర రావు తెలిపారు. గచ్చిబౌలి డీసీపీ కార్యాలయంలో విలేఖరుల సమావేశంలో నిందితుడి వివరాలను డీసీపీ వెంకటేశ్వర రావు వెల్లడించారు.

బెంగళూరు, జూన్ 15: ప్రముఖ జర్నలిస్టు గౌరి లంకేష్ హత్యకేసులో ప్రధాన నిందితుడైన పరశురామ్ వాఘమేర్‌ను అరెస్ట్ చేసినట్టు స్పెషల్ ఇన్విస్టిగేషన్ టీమ్ (సిట్) వెల్లడించింది. పేరు వెల్లడించడానికి ఇష్టపడని సిట్ ఉన్నత అధికారి తెలిపిన వివరాల ప్రకారం గౌరీలంకేష్‌ను చంపడానికి ఉపయోగించిన ఆయుధానే్న గతంలో హేతువాది గోవింద్ పనసారే, ఎంఎం కాల్‌బుర్గి హత్యకు సైతం ఉపయోగించినట్టు నిర్ధారణ అయ్యిందన్నారు.

బళ్ళారి, జూన్ 15: కర్నాటకలో శుక్రవారం జరిగిన రోడ్డు ప్రమాదంలో ఐదుగురు మృతి చెందారు. బళ్ళారి తాలూకా కోళూరుక్రాస్ వద్ద శుక్రవారం సాయంత్రం సిరుగుప్ప నుంచి వస్తున్న కేఎస్‌ఆర్టీసీ బస్సు ఎదురుగా వచ్చిన ఇండికా కారును ఢీ కొంది. దీంతో కారులో ఉన్న సంతోష్(35), అతని కుమారుడు ప్రీతం(8), కృష్ణ(22), వినయ్(25), దాదాఖలందర్(23) అక్కడికక్కడే మృతి చెందారు.