మధిర: ఖమ్మం జిల్లా మధిర రైల్వే స్టేషన్ సమీపంలో ఓ కుటుంబ సభ్యులు ముగ్గురు రైలు కింద పడి మృతి చెందారు. సోమవారం రాత్రి 8గంటల సమయంలో ఈ సంఘటన జరిగింది. మృతదేహాల వద్ద దొరికిన ఆధారాల ప్రకారం వీరిని గుంటూరు వాసులుగా భావిస్తున్నారు. వీరు ఆత్మహత్యకు పాల్పడి వుంటారా? అని పోలీసులు అనుమానిస్తున్నారు.

హైదరాబాద్, మే 28: బంగారం దుకాణంలో పని చేస్తున్న 19 ఏళ్ల యువతిని గుర్తు తెలియని వ్యక్తి దారుణంగా హత్య చేశాడు.ఈ సంఘటన జూబ్లీహిల్స్ పోలీస్ స్టేషన్ పరిధిలో సోమవారం జరిగింది. ఆంధ్రప్రదేశ్‌లోని తూర్పుగోదావరి జిల్లా రావుల పాలెంకు చెందిన ఒక కుటుంబం 9 ఏళ్ల నుంచి యూసఫ్‌గూడలో నివాసం ఉంటుంది. తండ్రి అపార్ట్‌మెంట్‌లో వాచ్‌మెన్‌గా పని చేస్తూ ఇస్ర్తి చేసుకుంటూ జీవనం సాగిస్తున్నాడు.

రాయ్‌పూర్, మే 28: చత్తీస్‌గఢ్‌లోని నక్సల్ ప్రభావిత ప్రాంతమైన బిజాపూర్ జిల్లాలో వేర్వేరుచోట్ల 12మంది నక్సలైట్లను అరెస్ట్ చేసినట్టు బిజాపూర్ ఎస్పీ మోహిత్ గార్గ్ వెల్లడించారు. బాసగూడ ఠాణా పరిధిలోని డాల్ల అటవీ ప్రాంతంలో ఆరుగురిని, బేద్రే ఠాణా పరిధిలో ఐదుగురుని, తర్నిచ్చిల్పత్పార అటవీ ప్రాంతంలో మరొకరిని అదుపులోకి తీసుకున్నట్టు గార్గ్ వెల్లడించారు.

ఎర్రుపాలెం, మే 28: ఐపియల్ క్రికెట్ మ్యాచ్‌లలో బెట్టింగ్ పెట్టి ఆడుతున్న యువకులను ఎర్రుపాలెం ఎస్సై జె అంజనేయులు ఆదివారం రాత్రి దాడి చేసి పట్టుకుని అరెస్టు చేసి రిమాండ్‌కు పంపారు. ఆదివారం రాత్రి జరిగిన చెనై- హైద్రాబాదు క్రికేట్ మ్యాచ్‌కి సంబందించి జమలాపురం గ్రామానికి చెందిన 22మంది ఎన్టీఆర్ విగ్రహం వద్ద క్రికెటు బెట్టింగ్ ఆడుతుండగా పట్టుకుని వారి వద్ద నుండి 7వేలు రూపాయలు, స్వాధీనం చేసుకున్నారు.