న్యూఢిల్లీ, మార్చి 25: ‘ఈ కేసు చారిత్రక నష్టం. భారత జాతికే అవమానం’ అంటూ 2జీ స్పెక్ట్రమ్ కుంభకోణంపై ఢిల్లీ హైకోర్టులో జాతీయ దర్యాప్తు సంస్థ (సీబీఐ) వ్యాఖ్యానించింది. 2జీ స్పెక్ట్రమ్ కేసులో కేంద్ర టెలికాం మాజీ మంత్రి ఏ రాజా, డీఎంకె ఎంపీ కనిమొళి తదితరులు అభియోగాలు ఎదుర్కొన్న విషయం తెలిసిందే.

నెల్లూరు, మే 25: నెల్లూరు జిల్లాలోని వెంకటాచలం టోల్‌ప్లాజా సమీపంలో శుక్రవారం ఉదయం విజయవాడ డి ఆర్ ఐ అధికారులు భారీ ఎత్తున బంగారాన్ని పట్టుకున్నారు. మొత్తం 5.7కేజీల బరువుకలిగిన వివిధ పరిమాణాల్లో ఉన్న 58 బంగారు బిస్కట్లను అధికారులు స్వాధీనం చేసుకున్నారు. దీని మొత్తం విలువ సుమారు రూ.1.80కోట్లు ఉంటుందని అధికారులు అంచనాకు వచ్చారు.

గచ్చిబౌలి, మే 25: పగటి ఉష్ణోగ్రతలు పెరడంతో రోడ్డుపై ప్రయాణిస్తున్న కార్లలో మంటలు వ్యాపిస్తున్న సంఘటనలు రోజు ఏదో ఒక ప్రాంతంలో జరుగుతున్నాయి. శుక్రవారం మధ్యాహ్నం ప్రయాణికులతో వెళ్తున్న ఓలా క్యాబ్‌లో మంటలు వ్యాపించాయి. డ్రైవర్ అప్రమత్తంగా వ్యవహరించడంతో ఎవరికీ ఎలాంటి ప్రమాదం జరగలేదు. ఈసంఘటన రాయదుర్గం పోలీసుస్టేషన్ పరిధిలోని గచ్చిబౌలిలో జరిగింది.

మక్తల్, మే 25: విద్యుత్ షాక్‌తో మృతిచెందిన ఓ రైతు సంఘటన మండల పరిధిలోని అంకెన్‌పల్లి గ్రామంలో చోటుచేసుకుంది. ఏఎస్‌ఐ చారి కథనం ప్రకారం వివరాలు ఇలా ఉన్నాయి. మండల పరిధిలోని అంకెన్‌పల్లి గ్రామానికి చెందిన అంజన్న (42) అనే రైతు శుక్రవారం గడ్డంపల్లి గ్రామ శివారులోని తన పొలానికి వెళ్లి నీటి బోరు స్టార్టర్ బటన్‌ను నొక్కాడు. కాగా, స్టార్టర్‌లో తేలిన విద్యుత్ వైర్లను గమనించని రైతుకు షాక్ కొట్టింది.