ఎల్లారెడ్డిపేట, ఏప్రిల్ 13: ఎల్లారెడ్డిపేట మండలం సింగారంలోని రైతు యాసరవేణి పర్శరాములు(50) అప్పుల బాధతో ఉరి వేసుకుని ఆత్మహత్యకు పాల్పడ్డాడని పోలీసులు శుక్రవారం తెలిపారు. వారి కథనం మేరకు గ్రామంలోని పర్శరాములు ఉన్న ఊరిలో ఉపాధి లేక ఎనిమిదేళ్ల కిందట గల్ఫ్ దేశానికి వెళ్లాడు. అక్కడ సరైన పనులు లభించక ఇంటి ముఖం పట్టాడు. తనకున్న 2.5 ఎకరాల్లో వ్యవసాయం చేసుకుంటూ జీవిస్తున్నాడు.

చింతపల్లి, ఏప్రిల్ 13: సొంత అన్ననే తమ్ముడు హత్య చేసిన సంఘటన మండలంలోని కురంపల్లి గ్రామంలో శుక్రవారం చోటుచేసుకుంది. కురంపల్లి గ్రామానికి చెందిన ఎర్ర బొజ్జమ్మకు 13 ఎకరాల భూమి ఉంది. భర్త చనిపోవడంతో అన్నీ తానై వ్యవసాయ పనులు, కుటుంబ నిర్వహణ పనులన్నీ చూసుకుంటూ పెద్ద కుమారుడు ఎర్ర రాజశేఖర్ (25)తో చర్చిస్తూ ఉండేది. గత కొంత కాలంగా చిన్న కుమారుడు వెంకటయ్య ఆస్తి పంచాలని తగాదా పడుతున్నాడు.

దేవనకొండ, ఏప్రిల్ 13: మార్కులు తక్కువగా వచ్చాయని ఇంటర్ మీడియట్ విద్యార్థి రాజశేఖర్‌రెడ్డి (17) ఆత్మహత్య చేసుకున్నట్లు ఎస్‌ఐ గంగయ్యయాదవ్ తెలిపారు. శుక్రవారం పోలీసుల తెలిపిన కథనం మేరకు దేవనకొండకు చెందిన రాజశేఖర్‌రెడ్డి తిరుపతి ఎస్వీ యూనివర్శిటీలో ఇంటర్ మొదటి సంవత్సరం చదువుతూ పరీక్షలు రాశాడు.

కోవూరు, ఏప్రిల్ 13: మహిళలపై అత్యాచారాలు, దాడులు చేస్తూ జనాల కంటి మీద కునుకు లేకుండా చేసిన సైకోను ఎట్టకేలకు కోవూరు పోలీసులు గురువారం సాయంత్రం కోవూరు నాగులకట్టలోని అతని నివాసం వద్ద అదుపులోకి తీసుకున్నారు. శుక్రవారం ఉదయం కోవూరు పోలీస్‌స్టేషన్‌లో ఏర్పాటు చేసిన విలేఖర్ల సమావేశంలో రూరల్ డీ ఎస్పీ వెంకట రాఘవరెడ్డి సైకో సూరిబాబు (42)ను అరెస్ట్ చూపారు.