గోదావరిఖని, ఏప్రిల్ 9: రామగుండం పట్టణంలో ఆదివారం అర్ధరాత్రి ఎత్తిని మల్లేష్ (45) అనే వ్యక్తిని భార్య, తమ్ముడు హత్య చేశారు. ఆదివారం అర్ధరాత్రి భార్య సరిత, తమ్ముడు విజయ్‌లు రాడ్‌తో ఎత్తిని మల్లేష్ తలపై కొట్టడంతో తీవ్ర రక్తస్రావమై అక్కడిక్కడే మృతి చెందాడు. ఘటన స్థలాన్ని గోదావరిఖని ఎసిపి రక్షిత కె మూర్తి, రామగుండం సి ఐ సాగర్ సందర్శించారు. హత్యకు కుటుంబ కలహాలే కారణమై ఉంటుందని పోలీసు భావిస్తున్నారు.

న్యూఢిల్లీ, ఏప్రిల్ 9: దేశ రాజధాని ఢిల్లీ నగరంలో అనధికారిక, అనుమతి లేని నిర్మాణాలపై తగిన చర్యలు తీసుకోకపోవడంపై, సుప్రీంకోర్టు..కేంద్రం, ఢిల్లీ ప్రభుత్వాలపై అసంతృప్తి వ్యక్తం చేసింది. కేవలం రాజకీయ కారణావల్ల అటుంటి అనధికారిక నిర్మాణాలపై చర్యలు తీసుకోవడంలేదంటూ చివాట్లు పెట్టింది.

హైదరాబాద్, ఏప్రిల్ 9: ప్రభుత్వ, ప్రైవేటు రంగాల్లో ఉద్యోగాలు ఇప్పిస్తానంటూ అమాయకులను మోసం చేస్తున్న వ్యక్తిని నగర టాస్క్ఫోర్స్ పోలీసులు అదుపులోకి తీసుకున్నారు. నగరంలోని ఆజాంపురా రాజానరసింహా నగర్‌కు చెందిన బద్దం యెల్లేశ్‌ను అదుపులోకి తీసుకుని నకిలీ ఐడి కార్డు, ఆరు బాండ్లు, నకిలీ నియామక పత్రం ఒకటి, సెల్‌ఫోన్, రూ.4.07,500 నగదును స్వాధీనం చేసుకున్నారు.

రాంద్రనగర్, ఏప్రిల్ 9 : నగరంలోని పలు ప్రాంతాల్లో సుపారీలు తీసుకొని హత్యలు, చోరీలకు పాల్పడుతున్న ఆరుగురు సభ్యుల ముఠాను రాజేంద్రనగర్, మైలార్‌దేవ్‌పల్లి పోలీసులు అరెస్ట్ చేసి రిమాండ్‌కు తరలించారు. శంషాబాద్ డీసీపీ పద్మజా రెడ్డి తన కార్యాలయంలో ఏర్పాటు చేసిన విలేఖరుల సమావేశంలో వివరాలను వెల్లడించారు.