హైదరాబాద్, ఏప్రిల్ 3: ఇద్దరు కాంగ్రెస్ ఎమ్మెల్యేల అసెంబ్లీ సభ్యత్వం రద్దుకు సంబంధించి తెలంగాణ ప్రభుత్వం ఈ నెల 6వ తేదీలోగా కౌంటర్ దాఖలు చేయాలని హైకోర్టు ఆదేశించింది. ఒక వేళ కౌంటర్ దాఖలు చేయని పక్షంలో, కౌంటర్ అఫిడవిట్ లేకుండానే కేసు విచారణ చేపడతామని హైకోర్టు న్యాయమూర్తి జస్టిస్ బి శివశంకర్‌రావు ఆదేశాలు జారీ చేశారు.

న్యూఢిల్లీ, ఏప్రిల్ 3: ఎస్సీ, ఎస్టీ అత్యాచార నిరోధక చట్టంలోని నిబంధనలు అమాయకులను భయాందోళనలకు గురిచేయకూడదని, వారి ప్రాథమిక హక్కులకు రక్షణ కల్పించాల్సిన అవసరం ఉందని సుప్రీంకోర్టు స్పష్టం చేసింది. ఆ చట్టంలోని కొన్ని నిబంధనలపై మార్చి 20న ఇచ్చిన తీర్పుపై స్టే ఇచ్చేందుకు నిరాకరించింది.

సూర్యాపేట, ఏప్రిల్ 3: అనుమానాస్పద స్థితిలో ఆసుపత్రిలో చికిత్స పొందుతూ వివాహిత మృతిచెందిన సంఘటన మంగళవారం జిల్లాకేంద్రంలోని ఓప్రైవేట్ ఆసుపత్రిలో చోటు చేసుకుంది. ఇందుకు సంబంధించి పోలీసులు, మృతురాలి బంధువులు తెలిపిన వివరాల ప్రకారం చివ్వెంల మండలం గుంపుల గ్రామానికి చెందిన కొమ్ము కవిత (30) అనారోగ్యంతో ఉందని మంగళవారం తెల్లవారుజామున భర్త వెంకన్న ఆసుపత్రిలో చేర్పించగా చికిత్స పొందుతూ మృతిచెందింది.

జోగిపేట/గజ్వేల్, ఏప్రిల్ 3: వేర్వేరు ప్రమాదాల్లో ముగ్గురు మృతి చెందిన ఘటన సోమవారం అర్ధరాత్రి చోటుచేసుకుంది. అందోల్ మండలం దానంపల్లి గ్రామశివారులో తుఫాన్ వాహనం అతివేగంగా వచ్చి చెట్టుకు ఢీకొన్న సంఘటనలో ఇద్దరు మృతి చెందగా 12 మందికి గాయాలయ్యాయి. ఈ సంఘటనలో కడపల్ గ్రామానికి చెందిన అంబవ్వ(35), శంకరంపేట మండలం బూర్గుపల్లి చంద్రనాయక్ తండాకు చెందిన సర్దార్(33)లు మృతి చెందారు.