కేతేపల్లి, నవంబర్ 17: నల్లగొండ జిల్లా కేతేపల్లి మండల పరిధిలోని 65వ నెంబర్ జాతీయ రహదారిపై ప్రమాదం చోటు చేసుకుంది. మండలపరిధిలోని ఇనుపాముల గ్రామశివారు వద్ద ఆదివారం ఉదయం జరిగిన రోడ్డు ప్రమాదంలో ఆరుగురికి తీవ్రగాయాలయ్యాయి.

కంకిపాడు, నవంబర్ 17: గుర్తుతెలియని వ్యక్తులు ఓ ఇంట్లో చోరీ చేసిన సంఘటన ఉప్పులూరు గ్రామంలో చోటు చేసుకుంది. పోలీసులు తెలిపిన వివరాలు ప్రకారం గ్రామానికి చెందిన సుబ్రహ్మణ్యం ఈనెల 14న కుటుంబ సభ్యులతో దైవ దర్శనానికి షిర్డీ వెళ్లి తిరిగి ఆదివారం ఉదయం వచ్చారు. ఇంటికెళ్లేసరికి తాళం పగలకొట్టి ఉంది.

ఏలూరు, నవంబర్ 16: పశ్చిమగోదావరి జిల్లా దెందులూరు మాజీ ఎమ్మెల్యే చింతమనేని ప్రభాకర్ శనివారం ఏలూరు జిల్లా జైలు నుండి విడుదలయ్యారు. పలు కేసులోల నిందితుడిగా ఉన్న చంతమనేని గత 66 రోజులుగా జైలులో రిమాండ్ ఖైదీగా ఉన్నారు. కొన్ని కేసులకు సంబంధించి శుక్రవారం న్యాయస్థానం చింతమనేనికి బెయిలు మంజూరు చేసింది. దీంతో శనివారం ఉదయం అన్ని లాంఛనాలు పూర్తి చేసిన అనంతరం చింతమనేని జైలు నుండి బయటకు వచ్చారు.

అలహాబాద్: లైంగిక వేధింపుల కేసులో బీజేపీ నేత స్వామి చిన్మయానంద దాఖలు చేసిన బెయిల్ పిటిషన్‌పై విచారించిన అలహాబాద్ హైకోర్టు తీర్పును రిజర్వ్‌లో ఉంచింది. న్యాయ విద్యార్థిని చిన్మయానందపై లైంగిక వేధింపుల కేసు పెట్టింది. శనివారం చిన్మయానంద బెయిల్ పిటిషన్‌పై వాదనలు విన్న న్యాయమూర్తి రాహుల్ చతుర్వేది తీర్పును రిజర్వ్‌లో ఉంచారు. కేంద్ర మాజీ మంత్రి చిన్మయానందను సెప్టెంబర్ 21న అరెస్టు చేశారు.