హైదరాబాద్, ఫిబ్రవరి 20: బంజారాహిల్స్‌లోని లగ్జరీ మసాజ్ సెంటర్ యజమానిని బెదిరించేందుకు యత్నించిన నలుగురు పోలీసులు అడ్డంగా దొరికి పోయారు. రోడ్డు నెంబర్ 10లోని లగ్జరీ మసాజ్ సెంటర్‌కు వెళ్ళిన నలుగురు పోలీసులు తాము టాస్క్ఫోర్సు పోలీసులమని, మసాజ్ పేరిట వ్యభిచారం చేయిస్తున్నారంటూ యజమాన్యాన్ని బెదిరించే ప్రయత్నం చేశారు.

నెల్లూరు, ఫిబ్రవరి 20: అగ్నిసాక్షిగా మూడు ముళ్లు వేసిన భర్త అనారోగ్యానికి గురికావడంతో ఆందోళన చెందిన భార్య అసువులు బాసిన సంఘటన నగరంలో చోటుచేసుకుంది. వివరాల్లోకి వెళితే.. స్థానిక సంతపేటకు చెందిన గాదంశెట్టి రాధాకృష్ణ గత కొంతకాలంగా అనారోగ్యంతో ఉన్నారు. గత పక్షం రోజులుగా బొల్లినేని ఆసుపత్రిలో చికిత్స పొందుతున్న ఆయన ఆరోగ్యం మెరుగు కాకపోవడంతో స్థానిక బృందావనంలోని మరో ప్రయివేటు ఆసుపత్రికి తరలించారు.

భద్రాచలం టౌన్, ఫిబ్రవరి 20: పోడు భూమి విషయంలో తలెత్తిన వివాదాలు.. తమ బంధువులను మంత్రాలు చేసి చంపాడనే నెపంతో ఇరువురు వ్యక్తులు కలిసి ఒకరిని అంతమొందించారు. కర్రలతో కొట్టి చంపి రోడ్డుపై పడేసి ప్రమాదంగా చిత్రీకరించే ప్రయత్నం చేసి పోలీసులకు దొరికిపోయారు. ఈ కేసులో నిందితులైన ఇద్దరు వ్యక్తులను అరెస్టు చేసి రిమాండ్‌కు తరలించారు.

సామర్లకోట, ఫిబ్రవరి 20: ఇద్దరు భార్యల వివాదం చినికిచినికి గాలి వానగా మారి న్యాయం కోసం రెండో భార్య పోలీసులను ఆశ్రయించడం, భర్త సామర్లకోట పోలీస్ స్టేషన్ ఆవరణలో ఆత్మహత్యాయత్నానికి పాల్పడ్డాడు. పెద్దాపురం పట్టణానికి చెందిన దుర్గాప్రసాద్ మంగళవారం మధ్యాహ్నం సామర్లకోట పోలీస్ స్టేషన్ వద్ద భార్యలతో ఘర్షణ పడి దోమల చక్రం వెలిగించే స్టాండుతో పీకకోసుకుని ఆత్మహత్యాయత్నం చేశాడు.