నరసాపురం, నవంబర్ 12: ఏ ఆడపిల్లకైనా తండ్రి అంటే ఒక హీరో.. ఒక రక్షణ.. ఒక నమ్మకం. అయితే ఇద్దరు చిన్నారుల పాలిట మాత్రం కన్న తండ్రే కసాయిగా మారాడు. ఉపాధి కోసం గల్ఫ్ దేశంలో ఉన్న భార్య డబ్బు పంపడం లేదనే అక్కసుతో ఇద్దరు కుమార్తెలతో రాక్షసంగా ప్రవర్తించాడు. కన్న బిడ్డలనే మమకారం కాదు కనీసం చిన్న పిల్లలనే కారుణ్యం కూడా లేకుండా చిత్రహింసలు పెడుతూ నరకం చూపించాడు.

హైదరాబాద్(వనస్థలిపురం), నవంబర్ 12: మాజీ మావోయిస్టూ కేంద్ర కమిటీ సభ్యుడు, ఆయన భార్యను ఎల్బీనగర్ పోలీసులు అరెస్ట్ చేశారు. పోలీసుల కథనం ప్రకారం.. నాగర్ కర్నూల్ జిల్లా, కొల్లాపూర్ మండలం, తిరుమలాపురం గ్రామానికి చెందిన నార్ల రవి శర్మ (54) ఆయన భార్య అనురాధ (56) మావోయిస్టు పార్టీలో కీలక స్థానాల్లో పనిచేశారు. రెండేళ్ల క్రితం అరెస్ట్ అయి, జైలుకు వెళ్ళారు.

న్యూఢిల్లీ, నవంబర్ 12: సుప్రీంకోర్టు ప్రధాన న్యాయమూర్తి (సీజేఐ) కార్యాలయాన్ని సమాచార హక్కు చట్టం (ఆర్‌టీఐ) పరిధిలోకి తీసుకొచ్చే విషయంలో ఢిల్లీ హైకోర్టు జారీ చేసిన ఆదేశాలను సవాలు చేస్తూ దాఖలయిన పిటిషన్లపై సుప్రీంకోర్టు బుధవారం తీర్పు ఇవ్వనుంది. సుప్రీంకోర్టు ప్రధాన న్యాయమూర్తి రంజన్ గొగోయ్ నేతృత్వంలోని అయిదుగురు సభ్యుల రాజ్యాంగ ధర్మాసనం మధ్యాహ్నం రెండు గంటలకు తీర్పు ఇస్తుంది.

న్యూఢిల్లీ, నవంబర్ 12: అయోధ్యపై సుప్రీం కోర్టు రాజ్యాంగ ధర్మాసనం ఇచ్చిన తీర్పును వక్రీకరిస్తూ సామాజిక మాధ్యమం (సోషల్ మీడియా)లో వదంతులు సృష్టిస్తున్న 70 మందిని అరెస్టు చేశామని ఉత్తర్ ప్రదేశ్ పోలీసు డైరెక్టర్ జనరల్ (డీజిపీ) ఓపీ సింగ్ తెలిపారు. ఇంకా తప్పుడు కథనాలతో ప్రజల్లో గందరగోళం సృష్టిస్తున్న 270 సోషల్ మీడియా అకౌంట్లపైనా చర్యలు తీసుకున్నట్లు ఆయన మంగళవారం విలేఖరుల సమావేశంలో చెప్పారు.