విజయవాడ పశ్చిమ, నవంబర్ 11: ఎనిమిదేళ్ల బాలికను అపహరించిన పక్కింటి వ్యక్తి ఆమెను దారుణంగా హతమార్చిన ఘోరం సోమవారం వెలుగుచూసింది. విజయవాడ నగర శివారు నల్లకుంట గ్రామంలో ఎనిమిదేళ్ల బాలికను పక్కింటి వ్యక్తి గొంతునులిమి హతమార్చి బియ్యం గోతాములో మూటగట్టాడు.

యలమంచిలి, నవంబర్ 11: విశాఖపట్నం జిల్లా, యలమంచిలి మున్సిపాలిటీ పరిధి, సైతారుపేట రోడ్డులో గల పెంజెరువు ఊబిలో చిక్కుకుని ఇద్దరు అయ్యప్పస్వాములు మృతి చెందారు. ఈ దుర్ఘటన సోమవారం సంభవించింది. పోలీసులు, ప్రత్యక్ష సాక్షుల కథనం ప్రకారం వివరాలివి. అచ్యుతాపురం మండలం భోగాపురంలో అయ్యప్పస్వామి పడిపూజ నిమిత్తం కలువ పువ్వులకు మాలధరించిన లాలం నరేష్(24), పైల గణేష్(21), తోటి స్వాములు పెంజెరువు వద్దకు వెళ్ళారు.

హైదరాబాద్, నవంబర్ 11: ఆర్టీసీ సమ్మె విరమణకు వీలుగా ఇరుపక్షాలు చర్చించుకుని, సానుకూలమైన నిర్ణయంతో హైకోర్టు ముందుకు రావాలని తాము అనేకమార్లు సూచించినా, ఆ ప్రయత్నం ఇరుపక్షాలూ చేయలేదని హైకోర్టు సోమవారం నాడు వ్యాఖ్యానించింది. దాదాపు రెండు గంటల పాటు వాదనలు విన్న హైకోర్టు తదుపరి విచారణను మంగళవారం నాటికి వాయిదా వేసింది.

న్యూఢిల్లీ: ప్రైవేటు ఆసుపత్రులు, నర్సింగ్‌హోంలన్నీ ఒకే విధమైన చార్జీలు వర్తింపజేయాలన్న నిబంధన ఏ రకంగా చూసినా సరికాదని ఢిల్లీ హైకోర్టు స్పష్టం చేసింది. ఆయా ఆసుపత్రులు, నర్సింగ్‌హోం రోగి అనారోగ్యం, దాని తీవ్రత, అందించే సదుపాయాలు ఆధారంగా ఆయా యాజమాన్యాలు ధరలు నిర్ణయించుకోవచ్చని హైకోర్టు స్పష్టం చేసింది.