విశాఖపట్నం, శ్రీకాకుళం, నవంబర్ 10: విశాఖపట్నం, శ్రీకాకుళం జిల్లాల్లో ఆదివారం వేర్వేరు ప్రాంతాల్లో జరిగిన ప్రమాద ఘటనల్లో ఏడుగురు దుర్మరణం చెందారు. రైలు ప్రమాదంలో భార్యాభర్తలు, రోడ్డు ప్రమాదంలో ఇద్దరు వంటవారు, చేపల వేటలో ఒకరు, కళింగపట్నం సాగర తీరంలో స్నానానికి వెళ్లిన వారిలో ఇద్దరు విద్యార్థులు మృత్యువాత పడ్డారు. ఆయా ఘటనలకు సంబంధించి పోలీసులు అందించిన వివరాలు ఇలా ఉన్నాయి.

కోడేరు, నవంబర్ 10: రాష్ట్ర వ్యాప్తంగా రెవెన్యూ శాఖ గురించి చర్చ జరుగుతున్న నేపథ్యంలో ఆ శాఖ నిర్లక్ష్యం వైఖరి కారణంగా మరో రైతు అనుమానాస్పద స్థితిలో మృతి చెందడం నాగర్‌కర్నూల్ జిల్లాలలో కలకలం సృష్టించింది. కోడేరు మండల పరిధిలోని నాగులపల్లి తండాకు చెందిన రాత్లావత్ బాలు (45) అనే రైతు అనుమానస్పద స్థితిలో ఆదివారం మధ్యాహ్నం తన ఇంటిలో మృతి చెందాడు.

వెల్దండ, నవంబర్ 10: సెలవు దినం కావడంలో మిత్రులంతా దైవ దర్శనంతో పాటు ఆహ్లాదంగా, ఉత్సాహంగా గడిపేందుకు శ్రీశైలం వెళ్లి వస్తుండగా జరిగిన రోడ్డు ప్రమాదంలో ఇద్దరు స్నేహితులు మృతి చెందిన సంఘటన నాగర్‌కర్నూల్ జిల్లా వెల్దండ మండల కేంద్రానికి సమీపంలో అదివారం రాత్రి చోటు చేసుకుంది.

కపిలేశ్వరపురం, నవంబర్ 10: ఇసుక సంక్షోభం మరో భవన నిర్మాణ కార్మికుడిని మింగేసింది. ఇసుక కొరత కారణంగా పనులు లేకపోవడంతో ఆర్థిక ఇబ్బందులు తట్టుకోలేక తూర్పు గోదావరి జిల్లా కపిలేశ్వరపురం మండలం టేకి గ్రామంలో ఓ వ్యక్తి ఉరివేసుకుని ఆత్మహత్యచేసుకున్నాడు. కుటుంబ సభ్యులు, పోలీసులు తెలిపిన వివరాల ప్రకారం మద్దిరాల ధనరాజు (34) భవన నిర్మాణ కార్మికుడిగా పనిచేస్తున్నాడు.