ఆత్మకూరు, నవంబర్ 10 : వ్యవసాయమే జీవనోపాధి చేసుకుని కుటుంబాన్ని పోషించుకుంటున్న అన్నదాత అప్పుల భారంతో ఆత్మహత్యకు పాల్పడిన సంఘటన ఆదివారం కర్నూలు జిల్లాలో చోటుచేసుకుంది. వివరాలు.. ఆత్మకూరు మండల పరిధిలోని పెద్దనంతాపురం గ్రామానికి చెందిన రైతు గుంటక అనంతరెడ్డి(65) ఉదయం తన సొంత పొలం వెళ్లి బావిలో దూకి ఆత్మహత్యకు పాల్పడినట్లు అతడి బంధువులు తెలిపారు.

శ్రీకాకుళం: కార్తీకమాసం రెండవ ఆదివారం కళింగపట్నం-మత్స్యలేశం మధ్య పిక్నిక్‌కు వెళ్లిన విద్యార్థుల్లో నలుగురు గల్లంతయ్యారు. వీరిలో ఒక మృతదేహం లభ్యమైంది. శ్రీకాకుళం నగరం నుంచి సరదాగా గడిపేందుకు కళింగపట్నం పిక్నిక్‌కు ఇంటర్మీడియట్ ద్వితీయ సంవత్సరం చదువుతున్న ఐదుగురు విద్యార్థులు వెళ్లారు. గార మండలం కళింగపట్నం బీచ్‌లో సాయంత్రం 4గంటల సమయంలో స్నానాలకు దిగారు.

పమిడిముక్కల, నవంబర్ 9: మండల పరిధిలోని కృష్ణాపురం-ఐలూరు మార్గంలో దళిత శ్మశాన వాటిక వద్ద శనివారం జరిగిన రోడ్డు ప్రమాదంలో ముగ్గురు వ్యక్తులు తీవ్రంగా గాయపడ్డారని ఎస్‌ఐ జి శ్రీనివాస్ తెలిపారు. ఐలూరు వైపు వెళుతున్న షైనీ బైక్, కృష్ణాపురం వైపు వస్తున్న టీవీఎస్ మోపెడ్ శ్మశానవాటిక మలుపు వద్ద ఎదురెదురుగా ఢీకొనడంతో ముగ్గురు వ్యక్తులు కిందపడగా వారికి తీవ్ర గాయాలయ్యాయి.

విజయవాడ (క్రైం): ఏపీ రాజభవన్‌లో ఉద్యోగాల పేరుతో మోసానికి పాల్పడిన వ్యక్తులను విజయవాడ సీసీఎస్ పోలీసులు శనివారం రాత్రి అరెస్టు చేశారు. ఈ వ్యవహారంలో పోట్రోకాల్ డిపార్ట్‌మెంట్‌లో పని చేస్తున్న సుశీల్ అనే వ్యక్తి సుమతి కార్పొరేట్ సర్వీసెస్ ప్రైవేటు లిమిటెడ్ ద్వారా మోసానికి పాల్పడినట్లు కేసుకు సంబంధించి దర్యాప్తులో కీలక అంశంగా పోలీసు అధికారులు నిర్ధారించారు.