S ,7 à 8 RSCA (si SASPAS) et 6 cialis pharmacie cialis rapports de stage.

క్రైమ్/లీగల్

09/07/2019 - 00:53

గుంటూరు, సెప్టెంబర్ 6: చదువుకునే వయస్సులో పిల్లలను పనికి పంపితే సంబంధిత తల్లిదండ్రులపై చట్టపరమైన చర్యలు తీసుకుంటామని, ఈ విషయంలో వెనకడుగు వేసే ప్రసక్తే లేదని రాష్ట్ర డీజీపీ గౌతమ్ సవాంగ్ హెచ్చరించారు. రాష్ట్రంలో రోజురోజుకూ బాలల అదృశ్య ఘటనలు పెరిగిపోతున్న నేపథ్యంలో రాష్టవ్య్రాప్తంగా ఆపరేషన్ ముస్కాన్ పేరిట వీధి బాలల గుర్తింపు కార్యక్రమాన్ని పోలీసులు ప్రతిష్టాత్మకంగా చేపట్టారు.

09/06/2019 - 23:56

అనంతపురం, సెప్టెంబర్ 6: ఎవరైనా వేధిస్తుంటే పిల్లలు తండ్రితో చెప్పుకుంటారు.. కానీ ఆ తండ్రే లైంగిక వేధింపులకు పాల్పడడంతో ఎవరికి చెప్పుకోవాలో తెలియక ఆ చిన్నారులు రెండేళ్లుగా నిత్యం నరకం చవిచూశారు. కంటికి రెప్పలా కాపాడాల్సిన తండ్రే ఒకరికి తెలియకుండా ఒకరిని బెదిరించి ముగ్గురు కూతుళ్లను లోబరుచుకున్నాడు. లైంగిక వేధింపులకు పాల్పడ్డాడు. చివరకు ధైర్యం చేసిన వారు తల్లి సాయంతో పోలీసులను ఆశ్రయించారు.

09/06/2019 - 23:53

మంగళగిరి, సెప్టెంబర్ 6: ఆదాయానికి మించి అక్రమంగా ఆస్తులు కలిగి ఉన్నారని అందిన ఫిర్యాదు మేరకు ఆచార్య నాగార్జున విశ్వ విద్యాలయం ఎకౌంట్స్ విభాగంలో సీనియర్ అసిస్టెంట్‌గా పనిచేస్తున్న జవ్వాది శ్రీనివాసరావు ఇంట్లో శుక్రవారం ఏసీబీ అధికారులు సోదాలు నిర్వహించారు.

09/06/2019 - 23:09

రాయ్‌పూర్, సెప్టెంబర్ 6: చత్తీస్‌గఢ్ మాజీ ముఖ్యమంత్రి అజిత్ జోగిపై ఎఫ్‌ఐఆర్ నమోదైంది. ఎస్టీ కులానికి చెందినట్లుగా నకిలీ కుల ధ్రువీకరణ పత్రం సమర్పించిన కేసులో ఈయనపై ఎఫ్‌ఐఆర్ నమోదైనట్లు జనతా కాంగ్రెస్ (జే) నాయకుడు శుక్రవారం విలేఖరుల సమావేశంలో తెలిపారు. కాగా, చత్తీస్‌గఢ్ తొలి ముఖ్యమంత్రిగా బాధ్యతలు నిర్వహించిన జోగి..

09/06/2019 - 22:01

తిరుపతి, సెప్టెంబర్ 6: స్థానిక తిమ్మినాయుడుపాళెం అటవీ ప్రాంతంలో అటవీశాఖ ఏర్పాటు చేసిన వాచ్‌టవర్‌ను చూపి సోషల్ మీడియాలో ఏసు మందిరం అంటూ దుష్ప్రచారం చేసిన ముగ్గురు వ్యక్తులను అరెస్టు చేసినట్లు తిరుపతి అర్బన్ ఎస్పీ అన్బురాజన్ తెలిపారు. శుక్రవారం ఆయన తన కార్యాలయంలో ఏర్పాటు చేసిన విలేఖరుల సమావేశంలో మాట్లాడారు.

09/06/2019 - 21:58

వజ్రకరూరు, సెప్టెంబర్ 6: విద్యుదాఘాతంతో అన్నదమ్ములు మృతి చెందిన సంఘటన అనంతపురం జిల్లా వజ్రకరూరు మండలం పొట్టిపాడులో శుక్రవారం జరిగింది. గ్రామానికి చెందిన చంద్ర(25), ఈరన్న(23) పొలానికి నీరందించేందుకు హంద్రీనీవా కాలువలో విద్యుత్ మోటార్ అమర్చారు. అది మరమ్మతులకు గురవడంతో శుక్రవారం వెలికి తీస్తుండగా ఇతర విద్యుత్ మోటార్ల ద్వారా షార్ట్ సర్క్యూట్ కావడంతో అక్కడికక్కడే మృతి చెందారు.

09/06/2019 - 21:57

ఎచ్చెర్ల, సెప్టెంబర్ 6: శ్రీకాకుళం జిల్లా ఎచ్చెర్ల మండలం కుప్పిలి, బుడగట్లపాలెం మధ్యలో ఉన్న సముద్రం వద్దకు శుక్రవారం ఇద్దరు యువకులు స్నానానికి వెళ్లి గల్లంతైన సంఘటన చోటు చేసుకుంది. కుప్పిలి గ్రామానికి చెందిన బోర రమణ(20), నిమ్మ సంతు(21) మధ్యాహ్నం భోజనాలు చేశాక సముద్రం మొగ వద్దకు వెళ్లారు. అక్కడ లోతుగా ఉండడం వల్ల ఇద్దరూ గల్లంతు కావడంతో పశువుల కాపరులు గమనించి స్థానికులకు సమాచారం అందించారు.

09/06/2019 - 21:37

లక్నో, సెప్టెంబర్ 6: ఉత్తరప్రదేశ్ రాష్ట్ర అర్బన్ డెవలప్‌మెంట్ ఏజన్సీ(ఎస్‌యూడీఏ) డైరెక్టర్ ఉమేష్‌కుమార్ సింగ్‌పై హత్యకేసు నమోదైంది. ఉమేష్ భార్య అనితా సింగ్ (42) ఈనెల 1వ తేదీన బుల్లెట్ గాయాలతో మృతి చెందారు. ఐఏఎస్ అధికారి ఉమేష్ కుమార్ ఉంటున్న అధికార నివాసంలోనే ఈ దారుణం చోటుచేసుకుంది. అనితను భర్తే చంపేశాడని ఆమె సోదరుడు రాజీవ్‌కుమార్ సింగ్ ఛిన్‌హాట్ పోలీసులకు ఫిర్యాదు చేశారు.

09/06/2019 - 21:36

న్యూఢిల్లీ, సెప్టెంబర్ 6: ఉన్నావో రేప్ కేసులో బాధితురాలికి సత్వర న్యాయం చేకూర్చడానికి వీలుగా ప్రత్యేక న్యాయమూర్తిని నియమించడంపై త్వరగా నిర్ణయం తీసుకోవాలని ఢిల్లీ హైకోర్టును సుప్రీంకోర్టు సూచించింది. ఉన్నావో కేసు బాధితురాలు రోడ్డు ప్రమాదంలో తీవ్రంగా గాయపడి, ప్రస్తుతం ఎయిమ్స్ ఆసుపత్రిలో చికిత్స పొందుతున్న విషయం తెలిసిందే.

09/06/2019 - 21:31

న్యూఢిల్లీ, సెప్టెంబర్ 6: వివాదాస్పద రామజన్మభూమి, బాబ్రీ మసీదు కేసు విచారణను ప్రత్యక్ష ప్రసారం చేయాల్సిందిగా దాఖలైన పిటిషన్‌ను త్వరలోనే పరిశీలిస్తామని సుప్రీంకోర్టు తెలిపింది. అయోధ్య కేసును ప్రధాన న్యాయమూర్తి రంజన్ గొగోయ్ అధ్యక్షతన న్యాయమూర్తులు జస్టిస్ ఆర్‌ఎఫ్ నారిమన్, సూర్యకాంత్ సభ్యులుగా ఉన్న సుప్రీంకోర్టు బెంచ్ రోజువారి విచారణను చేపడుతున్న విషయం తెలిసిందే.

Pages