విజయవాడ (క్రైం), నవంబర్ 8: పోలవరం పనులకు మరోసారి బ్రేక్ పడింది. హైడల్ ప్రాజెక్టు పనులు నిలిపివేయాలంటూ హైకోర్టు శుక్రవారం ఆదేశించింది. నవయుగ సంస్థ పిటిషన్‌పై విచారించిన రాష్ట్ర అత్యున్నత న్యాయస్థానం పోలవరం ప్రాజెక్టు అథారిటీ వాదనలు కూడా వినాల్సి ఉందని పేర్కొంటూ అథారిటీకి నోటీసులు జారీ చేయాలని ఆదేశించింది.

హైదరాబాద్, నవంబర్ 8: తమ డిమాండ్ల సాధన కోసం తెలంగాణ ఆర్టీసీ జేఏసీ తలపెట్టిన చలో ట్యాంక్‌బండ్‌కు అనుమతి లేదని తెలంగాణ రాష్ట్ర పోలీసు అదనపు డైరెక్టర్ జనరల్ (శాంతి భద్రతలు) జితేందర్ స్పష్టం చేశారు. శాంతి భద్రతలకు అటంకం కలిగిస్తే సహించేది లేదని ఆయన హెచ్చరించారు.

మహదేవ్‌పూర్, నవంబర్ 8: వారికెలాంటి ఇబ్బందులు లేవు. ఆర్థికపరమైన సమస్యలూ లేవు. ఆస్తిపాస్తులకు కొదువ లేదు. ఇద్దరు భార్యాభర్తలదీ అన్యోన్య జీవితం. నలుగురు సంతానాన్ని ఎన్నో కష్టనష్టాలకు ఓర్చి పెద్ద చేసి పెళ్లిళ్లు కూడా చేశారు. చివరి దశలో వారికి అండగా నిలబడాల్సిన కన్నవారే వారిని నిర్లక్ష్యం చేయడం సూటిపోటి మాటలనడం, అవమానకరంగా మాట్లాడడాన్ని ఆ వృద్ధ దంపతులు జీర్ణించుకోలేకపోయారు.

జమ్మూ, నవంబర్ 8: కాశ్మీర్‌లో ఎదురుకాల్పుల్లో భారత్‌కు చెందిన మరో సైనికుడు మృతి చెందాడు. నియంత్రణ రేఖను దాటి చొరబాట్లకు యత్నిస్తున్న ఉగ్రవాదుల అలికిడిని గమనించి భద్రతా దళాలు కాల్పులకు దిగాయి. పరస్పర కాల్పుల్లో సెపో రాసుల్ నైరు సులగేకర్ అనే సైనికుడు మృతి చెందాడు. ఈ ఘటన శుక్రవారం మధ్యాహ్నం రెండున్నర గంటల ప్రాంతంలో పూంచ్ జిల్లా కిష్ట్ర గతి సెక్టార్‌లో చోటుచేసుకొంది.