నాగ్‌పూర్, నవంబర్ 6: సహకార బ్యాంకు కుంభకోణంలో కీలక పాత్ర పోషించారన్న ఆరోపణలతో కాంగ్రెస్ మాజీ ఎమ్మెల్యే అశోక్ ధవాడ్‌ను పోలీసులు బుధవారం అదుపులోకి తీసుకున్నారు. అనంతరం కోర్టు ముందు ప్రవేశపెట్టగా ఈనెల 13వ తేదీ వరకు ఆయనకు రిమాండ్ విధించింది. నవోదయ అర్బన్ కోపరేటివ్ బ్యాంక్ చైర్మన్‌గా వ్యవహరించిన అశోక్ ధవాడ్ పలు ఆర్థిక నేరాలకు పాల్పడినట్టు ఆరోపణలు ఉన్నాయి.

కొండమల్లేపల్లి, నవంబర్ 5: పాఠశాలకు వెళ్ళి చదువుకుందామని ఆనందంగా పాఠశాల బస్సు ఎక్కేందుకు సిద్ధమైన చిన్నారికి ఆ బస్సు డ్రైవర్ అజాగ్రత్త, నిర్లక్ష్యం నూరేళ్లు నిండేలా చేసింది. తీవ్ర విషాదకరమైన ఈ సంఘటనకు సంబంధించిన వివరాలిలా ఉన్నాయి.

న్యూఢిల్లీ, నవంబర్ 5: మాజీ ప్రధాన మంత్రి రాజీవ్‌గాంధీ హత్యోదంతంపై విచారణ జరుపుతున్న సీబీఐ నేతృత్వంలోని ఎండీఎంఏ తన నివేదికను నాలుగు వారాల్లోగా సమర్పించాలని సుప్రీంకోర్టు ఆదేశించింది. రాజీవ్ హత్యకు సంబంధించి జరిగిన భారీ కుట్రను ఛేదించేందుకు ఐబీ, రా, రెవెన్యూ ఇంటలిజెన్స్ తదితర సంస్థలతో కలిపి సీబీఐ నేతృత్వంలో ఎండీఎంఏను ఏర్పాటు చేయాలని జస్టిస్ ఎంసీ జైన్ కమిషన్ 1998లో ప్రతిపాదించిన సంగతి తెలిసిందే.

నొయిడా: యూపీలోని గ్రేటర్ నొయిడాలో కోటి రూపాయల విలువైన విదేశీ అక్రమ మద్యాన్ని అధికారులు స్వాధీనం చేసుకున్నారు. ఈ సందర్భంగా ఐదుగురు వ్యక్తులను పోలీసులు అదుపులోకి తీసుకున్నారు. వెయ్యి లీటర్ల మద్యం స్వాధీనం చేసుకున్నట్టు అధికారులు వెల్లడించారు. మంగళవారం గ్రేటర్ నొయిడాలోని దాద్రీ, జార్ఛా ప్రాంతంలో ఎక్సయిజ్, పోలీసులు విస్తృతంగా దాడులు నిర్వహించారు.