నిజామాబాద్, అక్టోబర్ 22: మరో పది రోజుల్లో పెళ్లి సందడితో కళకళలాడాల్సిన ఇంట్లో దొంగలు చొరబడి, పెద్ద మొత్తంలో సొత్తును అపహరించుకుపోయారు. యువతి పెళ్లి కోసం దాచి ఉంచిన 22 తులాల బంగారు ఆభరణాలు, రెండు కిలోల వెండి నగలు, 15 వేల నగదుతో పాటు విలువైన పట్టు వస్త్రాలు, ఇతర సామగ్రితో ఉడాయించారు. ఈ సంఘటన జిల్లా కేంద్రంలోని వివేకానంద కాలనీలో సోమవారం అర్ధరాత్రి చోటుచేసుకుంది.

హైదరాబాద్, అక్టోబర్ 22: ఘరానా మోసగాడు శ్రీనివాసరావును హైదరాబాద్ నగర పోలీసులు అరెస్టు చేశారు. పత్రికల్లో అబద్ధపు ప్రకటనలతో ప్రజలను మోసం చేసి 150 మంది నుంచి దాదాపు 2 కోట్ల రూపాయలకు పైగా వసూలు చేశాడు. తూర్పుగోదావరి జిల్లాలోని తొండంగి ప్రాంతానికి చెందిన శ్రీనివాసరావు ఎంటెక్ చదివాడు. అతనిపై దాదాపు 20 కేసులు నమోదయ్యాయి.

హయత్‌నగర్, శామీర్‌పేట, అక్టోబర్ 22 : మరో 20రోజుల్లో ఆ ఇంట్లో పెళ్లి భాజా మోగాల్సి ఉంది. దైవ దర్శనం కోసం మంగళవారం ఉదయం తండ్రి, కుమారుడు ద్విచక్ర వాహనంపై కొమరవెళ్లికి వెళ్తుండగా రోడ్డు ప్రమాదంలో ఇద్దరు మృతిచెందారు. చంపాపేట్ డివిజన్ రెడ్డి బస్తిలో ప్రేమ్‌దాస్(60), కుమారుడు ముఖేష్(30) నివాసం ఉంటున్నారు.

సైదాబాద్, అక్టోబర్ 22: ఫోన్ సౌకర్యం వినియెగించుకునే విషయంలో హెడ్‌వార్డర్‌తో వాగ్వివాదానికి దిగిన ఖైదీ అతనిపై దాడికి పాల్పడ్డాడు. డబీర్‌పురా పోలీసులు తెలిపిన వివరాల ప్రకారం.. దొంగతనం కేసులో వరంగల్ జైలులో మూడు సంవత్సరాల శిక్ష అనుభవిస్తున్న గోలి రాజేష్ అక్కడ అనుచిత ప్రవర్తన కారణంగా పనిష్‌మెంట్ కింద ఈ సంవత్సరం జనవరిలో చంచల్‌గూడ జైలుకు తరలించబడ్డాడు.