బెంగళూరు, అక్టోబర్ 18: బెంగళూరులో స్లీపర్ సెల్స్ పనిచేస్తున్నాయని, దీనితో ఉగ్రవాద దాడుల ముప్పు పొంచి ఉందని కర్నాటక హోం శాఖ మంత్రి బసవరాజ్ బొమ్మయి సంచలన వ్యాఖ్యలు చేశారు. బెంగళూరు, మైసూరులో ఉన్న ఉగ్రవాద స్లీపర్ సెల్స్ కారణంగా, కర్నాటకతోపాటు, కేరళ, తమిళనాడు, ఆంధ్ర ప్రదేశ్, పశ్చిమ బెంగాల్‌లోని తీర ప్రాంతాల్లో దాడులకు జరగవచ్చని అనుమానం వ్యక్తం చేశారు.

వరదయ్యపాళెం : చిత్తూరు జిల్లా వరదయ్యపాళెం మండల పరిధిలోని కల్కి భగవాన్ ఆశ్రమంలో గురువారం కూడా ఆదాయ పన్ను శాఖ అధికారులు దాడులు కొనసాగించారు. ఈక్రమంలో ‘ఎం-బ్లాక్’లోని ఓ గదిలో ఉన్న కప్‌బోర్డులో ఒక సంచి నిండా విదేశీ కరెన్సీ, బంగారు ఆభరణాలు ఉండటాన్ని గుర్తించారు. వీటి విలువ 20 నుంచి 25 కోట్లు ఉంటుందని ప్రచారం సాగుతోంది.

హైదరాబాద్: టీవీ-9 మాజీ సీఈఓ రవిప్రకాశ్ కస్టడీ కోరుతూ బంజారాహిల్స్ పోలీసులు తాజాగా మరో పిటిషన్‌ను నాంపల్లి కోర్టులో దాఖలు చేశారు. హైకోర్టులో కొనసాగుతున్న కేసులో రవిప్రకాశ్‌కు కస్టడీ కోరుతూ దాఖలైన పిటిషన్‌లో వచ్చే నెల రెండో తేదీ వరకూ స్టే ఉందన్న సమాచారం నేపథ్యంలో, నాంపల్లి కోర్టు తదుపరి విచారణను వచ్చే నెల నాలుగో తేదీకి వాయిదా వేసింది.

తుని, అక్టోబర్ 17: తూర్పు గోదావరి జిల్లాలో ఒక దినపత్రిక విలేఖరి హత్య కేసులో వైఎస్సార్ కాంగ్రెస్ పార్టీకి చెందిన తుని ఎమ్మెల్యే, ప్రభుత్వ విప్ దాడిశెట్టి రాజా పేరు అనుమానితునిగా పోలీసులు నమోదుచేశారు. ఒక దినపత్రికకు తొండంగి మండల అర్బన్ విలేఖరిగా పనిచేస్తున్న కాతా సత్యనారాయణను మంగళవారం రాత్రి దారుణంగా హత్యచేసిన సంగతి విదితమే.