సమంత అంటే తెలుగులో టాప్‌స్టారే. కిందపడ్డా పైన పడ్డా ఆమెదే విజయం అన్నట్టుగా సమంత హవా సాగుతోంది. ఇటీవల దాదాపుగా ఓ నాలుగైదు నెలల నుండి సమంత పేరు ఎక్కడా వినబడకపోవడం విచిత్రం. ఎందుకంటే ఆమె సినిమాలేవీ విడుదల కాలేదు. ఒకవేళ విడుదలైనా కానీ అవి సోదిలో లేకుండాపోవడంతో సమంత పేరు వినబడలేదు. కానీ ఇప్పుడలా కాదు ఈ వేసవి కాలమంతా నాదేనంటోంది సమంత.

ప్రముఖ నటుడు పవన్‌కళ్యాణ్ హీరోగా నటిస్తున్న ‘సర్దార్ గబ్బర్‌సింగ్’ చిత్రం షూటింగ్ దాదాపు చివరి దశకు చేరుకుంది. బాబి దర్శకత్వంలో తెరకెక్కుతున్న ఈ చిత్రాన్ని ఏప్రిల్ 8న విడుదల చేయడానికి సన్నాహాలు జరుగుతున్నాయి. మరోవైపు ఈ చిత్రంలోని పాటలను ఈనెల 20న భారీ స్థాయిలో విడుదల చేస్తారట. ఇప్పటికే భారీ అంచనాలు నెలకొల్పిన ఈ చిత్రం బిజినెస్ వర్గాల్లో సంచలనం సృష్టిస్తోంది.

తెలుగు, తమిళ భాషల్లో టాప్ హీరోయిన్‌గా వెలుగొందుతున్న అందాల భామ కాజల్‌కు ఇప్పుడు అవకాశాలు కూడా క్యూ కట్టాయి. తెలుగులో స్టార్ హీరోల సరసన నటిస్తున్న ఈమెకు తాజాగా తమిళంలో క్రేజీ అవకాశం దక్కింది. ఎన్టీఆర్ హీరోగా పూరీ జగన్నాధ్ దర్శకత్వంలో వచ్చిన ‘టెంపర్’ చిత్రాన్ని తమిళంలో రీమేక్ చేస్తున్నారు. శింబు హీరోగా నటించే ఈ చిత్రంలో హీరోయిన్‌గా కాజలే ఎంపికైందట.

‘పందెం కోడి’ సినిమా తర్వాత విశాల్ కెరీర్‌లో పెద్దగా చెప్పుకోదగ్గ సినిమాలు లేవనే చెప్పాలి. తమిళంలో మంచి క్రేజ్ తెచ్చుకున్నా తెలుగులో మాత్రం ఇంకా ప్రయత్నాలు సాగిస్తూనే ఉన్నాడు. సొంతంగా విశాల్ ఫిలిమ్ ఫ్యాక్టరీ బ్యానర్‌ను స్థాపించి, విభిన్నమైన కథనాలతో సినిమాలు చేస్తూ వస్తున్నాడు. లేటెస్ట్‌గా విడుదలైన ‘కథకళి’ చిత్రం తమిళంలో మంచి హిట్‌ను నమోదు చేసుకుంది. ఈనెల 18న ఈ చిత్రం తెలుగులో విడుదల కానుంది.