బాలీవుడ్‌లో కొందరు హీరోలు రొమాంటిక్ పాత్రల్లో, ఇంకొందరు మేటినటులు యాక్షన్ చిత్రాల్లో రాణించగా- అందుకు భిన్నంగా మనోజ్‌కుమార్ దేశభక్తిని రగిలించే సినిమాలకు చిరునామాగా మారి ప్రేక్షకజనం నుంచి నీరాజనాలు అందుకున్నాడు. దేశభక్తి ఇతివృత్తంగా తీసే సినిమాలు వాణిజ్యపరంగా లాభాలు తెచ్చిపెట్టవని తెలిసినా అదే పంథాలో పయనించి చిరస్మరణీయ పాత్రల్లో మనోజ్ మెప్పించాడు.

చారిత్రాత్మక కథాంశంతో ఎస్‌ఎస్‌ఎస్ ఆర్ట్ క్రియేషన్స్ పతాకంపై బాలగొండ ఆంజనేయులు దర్శకత్వంలో భవ్యశ్రీ ప్రధాన పాత్రలో పెద్దరాసు సుబ్రహ్మణ్యం రూపొందించిన చిత్రం ‘సతీ తిమ్మమాంబ’. ఈ సినిమా అన్ని కార్యక్రమాలు పూర్తిచేసుకుని, త్వరలో విడుదలకు సిద్ధమవుతోంది.

వెనె్నల క్రియేషన్స్ పతాకంపై శ్రీ విష్ణు, చిత్రశుక్ల జంటగా కుమార్ దర్శకత్వంలో బలగ ప్రకాష్‌రావు రూపొందిస్తున్న చిత్రానికి సంబంధించిన తొలి షెడ్యూల్ పూర్తయింది. ఈ సందర్భంగా నిర్మాత బలగ ప్రకాష్‌రావు మాట్లాడుతూ వైజాగ్ పరిసర ప్రాంతాల్లో తొలి షెడ్యూల్ పూర్తిచేశామని, పాటలతోపాటు కొంత టాకీపార్టు చిత్రీకరించిన ఈ సినిమాలో కుటుంబంలోని అనుబంధాలు, యాక్షన్‌లకు ప్రాధాన్యత ఉందని తెలిపారు.

విశాల్ కథానాయకుడుగా పాండ్యరాజ్ దర్శకత్వంలో విశాల్ ఫిలిమ్ ఫ్యాక్టరీ పతాకంపై రూపొందించిన చిత్రం ‘కథకళి’. ఈ సినిమాను తెలుగులో శ్రీకృష్ణ క్రియేషన్స్ పతాకంపై విడుదల చేస్తున్నారు. ఈ సందర్భంగా విశాల్ మాట్లాడుతూ, తమిళంలో పెద్ద విజయం సాధించిన ఈ చిత్రం తెలుగులో కూడా అందరికీ నచ్చుతుందని, ఒక హత్య నేపథ్యంలో సాగే సస్పెన్స్ థ్రిల్లర్‌గా ఈ చిత్రం రూపొందిందని తెలిపారు.