‘అలా మొదలైంది’తో తెలుగు ప్రేక్షకులకు దగ్గరైన నటి నిత్యామీనన్. మొదటి సినిమాతోనే మంచి అభినయ సామర్థ్యం ఉన్న నటిగా గుర్తింపుపొందిన ఆమె మొదట్లో బాలనటిగానూ నటించి, ఆ తరువాత జర్నలిజం వైపు మొగ్గు చూపి డిగ్రీ చేసింది. తరువాత పూణె ఫిలిం ఇనిస్టిట్యూట్ సినిమాటోగ్రఫీ కోర్సు చేద్దామని ప్రయత్నించి ‘అలా మొదలైంది’తో మనముందుకు వచ్చింది.

నా సినిమాలు విడుదలవుతుంటే పెద్ద హీరోల సినిమాలు విడుదల కావడానికి జంకేవని అప్పట్లో పెద్ద ప్రచారం జరిగింది. నా సినిమాలకు అంత సీన్‌లేదు అంటోంది శృంగార తార షకీలా. పెద్ద హీరోల సినిమాలు సంవత్సరానికి రెండు,మూడు విడుదలైతే నా సినిమాలు వారానికి ఒకటి విడుదలయ్యేవి. వాళ్ల సినిమాలు ఆలస్యంగా విడుదలైతే, నా సినిమాలు చాలా వేగంగా విడుదలయ్యేవి. అంతకుతప్పితే మరేం లేదు అని తీసిపారేసింది.

నవీద్‌ఖాన్, శ్రీ, రీమా ప్రధాన తారాగణంగా నజీమ్ దర్శకత్వంలో లక్ష్మీశ్రీ క్రియేషన్స్ పతాకంపై రూపొందిస్తున్న చిత్రం షూటింగ్ పూర్తయింది. హాస్య నటుడు అలీ నిర్మాతగా వ్యవహరిస్తున్న ఈ చిత్రానికి సంబంధించిన పోస్ట్ ప్రొడక్షన్ కార్యక్రమాలు జరుగుతున్నాయి.

హైదరాబాద్ ఫిల్మ్‌నగర్‌లోని దైవసన్నిధానంలో బుధవారం ఉదయం సూర్య భగవాన్,
లక్ష్మీనరసింహస్వామి విగ్రహ ప్రతిష్ఠాపన సందర్భంగా హాజరైన చిరంజీవి, నాగార్జున, వెంకటేష్, మురళీమోహన్.
విశాఖ శారదాపీఠాధిపతి స్వరూపానందస్వామి చేతుల మీదుగా విగ్రహ ప్రతిష్ఠాపన కార్యక్రమాలు జరిగాయి.