జంతువుల నేపథ్యంలో సినిమాను తెరకెక్కించాలంటే -హాలీవుడ్‌కు హాలీవుడ్డే సాటి. పిల్లలకోసం పుట్టుకొచ్చే పిట్ట కథలనుంచి, జంతు పరిణామక్రమం ఆధారంగా తెరకెక్కే చారిత్రక చిత్రాల వరకూ హాలీవుడ్‌ది ఓ ప్రత్యేక శైలి. అలా హాలీవుడ్ నుంచి వస్తోన్న మరో జంతు నేపథ్య చిత్రం కోసం ప్రపంచం వెయ్యి కళ్లతో ఎదురుచూస్తోంది. భారీ బడ్జెట్‌తో తెరకెక్కించి మోషన్ పిక్చర్ సినిమానే -మోగ్లీ: ది లెజెండ్ ఆఫ్ జంగిల్.

అమెరికన్ సింగర్ నిక్ జొనాస్‌ని ప్రియాంక పెళ్లి చేసుకోబోతున్న విషయం తెలిసిందే. ఐదురోజుల పాటు సాగే వేడుక సమయం దగ్గర పడటంతో -ప్రియాంక ఇల్లు విద్యుద్దీపాలతో కళకళలాడుతోంది. రాజస్థాన్‌లోని ఉమైద్ భవన్‌లో హిందూ, క్రిస్టియన్ సంప్రదాయంలో వివాహ వేడుక నిర్వహించనున్నారు. పెళ్లి తరువాత ముంబయి, ఢిల్లీలో విందు నిర్వహిస్తారు. ఢిల్లీ విందుకు ప్రధాని నరేంద్ర మోదీ ముఖ్య అతిధిగా హాజరయ్యే అవకాశం లేకపోలేదు.

అలివేలమ్మ ప్రొడక్షన్స్ సమర్పించు టి.అలివేలు నిర్మించిన కరణం బాబ్జీ దర్శకత్వంలో రూపొందుతున్న చిత్రం ఆపరేషన్ 2019. శ్రీకాంత్, మంచు మనోజ్, సునీల్ నటిస్తున్న ఈ చిత్రం డిసెంబర్ 1న ప్రేక్షకుల ముందుకు రానుంది. ఈ సందర్భంగా ప్రీ రిలీజ్ ఈవెంట్‌ను జరుపుకుంది. ఈ ఈవెంట్‌లో చిత్ర యూనిట్ అంతా కలిసి ప్రముఖుల సమక్షంలో ఆడియో సీడీని, టీజర్‌ను మా అధ్యక్షులు మురళీమోహన్, హీరో గోపీచంద్ కలిసి విడుదల చేశారు.

టాలీవుడ్‌లోకి ఎంట్రీ ఇచ్చిన రకుల్ ప్రీత్‌సింగ్ తక్కువ కాలంలోనే స్టార్ హీరోలతో నటించి ఫుల్ స్వింగ్‌లో దూసుకుపోయింది. అయితే ఆ తర్వాత రకుల్ నటించిన తెలుగు సినిమాలు పెద్దగా ఆడకపోవడంతో రకుల్‌కి టెన్షన్ పట్టుకుంది. దీంతో చెన్నై చెక్కేసిన రకుల్ కోలీవుడ్‌లో రెండుమూడు చిత్రాల్లో నటిస్తోంది. ఇక కార్తీతో నటించిన ఖాకీ చిత్రం ఇప్పటికే విడుదలై పర్వాలేదనిపించగా, అతనితోనే దేవ్ చిత్రంలో నటిస్తోంది.