తెలుగులో బిగ్‌బాస్ రియాలిటీ షో రెండో సీజన్ విన్నర్ కౌశల్ సోషల్ మీడియా హీరో అయిపోయాడు. కౌశల్ ఆర్మీ గ్రూపులతో సోషల్ మీడియాలో వైరల్ అవుతున్న విషయం తెలిసిందే. 113 రోజుల షో టైంలో కౌశల్ అనూహ్య అభిమానం సంపాదించాడు. బిగ్‌బాస్ విన్నర్‌గా మంచి క్రేజ్‌లోవున్న కౌశల్‌ని హీరో చేయడానికీ సన్నాహాలు మొదలయ్యాయి. కౌశల్‌ని హీరో చేసేందుకు కౌశల్ ఆర్మీ క్రౌడ్ ఫండింగ్ ద్వారా ప్రయత్నాలు ముమ్మరం చేస్తోంది.

వెంకటేష్ గౌడ్, ప్రాచీ అధికారి, అభయ్, కులకర్ణి మమత లీడ్ రోల్స్‌లో రమేష్ అంకం దర్శకత్వంలో వస్తోన్న చిత్రం సుడిగాలి. చెట్టుపల్లి వెంకటేష్, బిరాదర్ మల్లేష్ నిర్మిస్తున్న యాక్షన్ రొమాంటిక్ థ్రిల్లర్ ఇది. చిత్రంలోని పాటలు మంగళవారం హైదరాబాద్‌లో విడుదల చేశారు. కార్యక్రమానికి ముఖ్యఅతిథిగా హాజరైన ఎంఎల్‌సి రాములు నాయక్ బిగ్ సీడీ విడుదల చేశారు.

అమాంతంగా పెరిగి ‘విదే’ ఇమేజ్ నేపథ్యంలో ఇండస్ట్రీలో ఆసక్తి రేకెత్తిస్తోన్న ‘నోటా’ విడుదలకు దగ్గరైంది. యంగ్ హీరోగా సెలెక్టెడ్ సినిమాలతో దూసుకుపోతున్న విజయ్ దేవరకొండ (వి.దే), మెహ్రీన్ హీరో హీరోయిన్లు. జ్ఞానవేల్ రాజా నిర్మాత, ఆనంద్‌శంకర్ దర్శకుడు. చిత్రం రిలీజ్ టైం దగ్గరపడటంతో, ప్రమోషన్ పనులు వేగవంతం చేస్తోంది చిత్రబృందం.

లక్కీ మీడియా నిర్మిస్తున్న సినిమా ‘హుషారు’. తేజస్ కంచెర్ల, తేజ్ కూరపాటి, అభినవ్ చుంచు, దినేష్‌తేజ్, రాహుల్ రామకృష్ణ, దక్ష నాగార్కర్, ప్రియ వడ్లమాని, హేమ ఇంగ్లి, రమ్య, అప్పాజీ, ప్రమోదిని కీలక పాత్రధారులు. శ్రీహర్ష కొనుగంటి దర్శకుడు. బెక్కం వేణుగోపాల్ నిర్మాత. ‘నానానా’ అనే పాటను సోమవారం విడుదల చేశారు. భాస్కరభట్ల సాహిత్యం అందించిన పాటను దిల్‌రాజు విడుదల చేశారు.