త్రివిక్రమ్ ‘అరవింద సమేత..’తో బిజీగా ఉన్నాడు. ఈ చిత్రాన్ని ప్రేక్షకుల ముందుకు తెచ్చే పనిలో నిమగ్నమై ఉన్నాడు. తరువాతి చిత్రం మల్టీస్టారర్ కావొచ్చన్న టాక్ వినిపిస్తోంది. అది వెంకటేష్, బన్నీలతో కావొచ్చన్నది తాజా సమాచారం. ఇప్పటికే విక్రమ్‌కుమార్ చెప్పిన కథ సెకెండాఫ్‌తో సంతృప్తిచెందని వెంకటేష్, ఆ ప్రాజెక్టును పక్కనపెట్టి త్రివిక్రమ్‌పై దృష్టి పెట్టినట్టు తెలుస్తోంది.

అమలాపాల్ పేరు తెలీని సినీ ప్రేమికులు దాదాపుగా ఉండరు. వివాదాలకు కేరాఫ్ అడ్రస్ అమలాపాల్. ఇక దర్శకుడు ఎఎల్ విజయ్‌తో ప్రేమ.. పెళ్లి.. విడాకులు అనేది ఒక పెద్ద ఎపిసోడ్. ఇపుడు మళ్లీ సినిమాలతో బిజీ అయ్యింది. త్వరలో రెండో పెళ్లి చేసుకునేందుకు అమల రెడీగా ఉందని కోలీవుడ్ మీడియా కథనాలు వండుతోంది.

బాలీవుడ్ కండలవీరుడు సల్మాన్‌ఖాన్ నిర్మిస్తున్న తాజా చిత్రం లవ్ యాత్రీ. దీనిపై సర్వత్రా విమర్శలు వస్తూనే ఉన్నాయి. టైటిల్ మార్చాలంటూ పలు హిందూ సంఘాలు యాగీ మొదలెట్టాయి. నిజానికి ఈ సినిమా లవ్ రాత్రి అనే టైటిల్ పెట్టారు. సినిమా దసరా, నవరాత్రుల నేపథ్యంలో కథ ఉంటుందట. హిందువులు ఎంతో పవిత్రంగా పూజించే ఈ నవరాత్రుల నేపథ్యంలో తీసిన సినిమాకు ‘లవ్ రాత్రి’ అనే టైటిల్ పెడతారా? అంటూ పెద్ద రాద్ధాంతమే జరిగింది.

జూ.ఎన్టీఆర్ తాజా చిత్రం -అరవింద సమేత. మాటల మాంత్రికుడు త్రివిక్రమ్ దర్శకత్వంలో తెరకెక్కుతున్న సినిమా షూటింగ్ దాదాపు చివరి దశకు చేరింది. ట్రేడ్ వర్గాల్లో ఆసక్తి రేపుతోన్న సినిమాకు సంబంధించిన మరో క్రేజీ న్యూస్ మీడియాలో హల్‌చల్ చేస్తోంది. అదేంటంటే.. అరవింద సేమతో ఓ స్పెషల్ అప్పియరెన్స్ ఉందట. అదే.. ఐటెమ్ సాంగ్. అందుకు బాలీవుడ్ భామను రంగంలోకి దింపాలని ప్లాన్ చేస్తున్నారట.