అరుణ్‌గుప్తా, సావేరి, జయవర్థన్ ప్రధాన తారాగణంగా శ్రీరాజన్నా మూవీస్, మహేష్ ఎంటర్‌టైన్‌మెంట్స్ పతాకాలపై ఆర్.కె.కాంపల్లి దర్శకత్వంలో మహేష్ పైడా, భరత్ అంకతి రూపొందించిన చిత్రం ‘పడిపోయా నీ మాయలో’. జయవర్థన్ సంగీతం అందించిన ఈ చిత్రానికి సంబంధించిన ఆడియో సీడీని హైదరాబాద్ ప్రసాద్ లాబ్‌లో తెలంగాణ ఆర్థిక శాఖ మంత్రి ఈటెల రాజేందర్ విడుదల చేశారు. తొలి సీడీని ఎన్.శంకర్ అందుకున్నారు.

కమెడియన్‌గా దాదాపు 70 చిత్రాలు చేశా. ఇంకా లైఫ్‌లో కొత్తదనం ఏముంది? ఏ సినిమాలో చూసినా సప్తగిరి ఒకేలా వున్నాడు అని ప్రేక్షకులు అనుకోకుండా నాకంటూ ఓ గోల్‌ను పెట్టుకుని హీరో అయ్యాను. వచ్చిన అవకాశాన్ని సద్వినియోగం చేసుకుంటూ మంచి కథలు ఎంపిక చేసుకుంటూ వస్తున్నాను. ఈ సినిమాతో మరింత విజయం సాధిస్తానన్న నమ్మకం వుంది అని నటుడు సప్తగిరి చెప్పారు.

దేవసేనగా బాహుబలితో మరింత క్రేజ్ పెంచుకున్న అందాల భామ అను ష్క ప్రస్తుతం భాగమతి చిత్రంతో ప్రేక్షకుల ముందుకు రానుంది. అశోక్ దర్శకత్వంలో తెరకెక్కిన ఈ చిత్రాన్ని జనవరి 26న విడుదల చేయడానికి సన్నాహాలు చేస్తున్నారు. తాజాగా అనుష్క వెంకటేష్ సరసన నటించేందుకు ఓకె చెప్పిందట. వెంకటేష్ కథానాయకుడిగా తేజ దర్శకత్వంలో తెరకెక్కుతున్న ఈ చిత్రం ఇటీవల హైదరాబాద్‌లో ప్రారంభమైంది.

నవీన్ చంద్ర, నివేదా థామస్ జంటగా అనురాగ్ ప్రొడక్షన్స్ పతాకంపై అజయ్ వద్దిరాల దర్శకత్వంలో రఘుబాబు చౌదరి, కె.పి.చౌదరి సంయుక్తం గా రూపొందిస్తున్న చిత్రం ‘జూలియట్ లవర్ ఆఫ్ ఇడియెట్’. ఈ చిత్రం ఈమధ్య సెన్సార్ కార్యక్రమాలు పూర్తిచేసుకుని ఈనెల 15న భారీ ఎత్తున విడుదలకు సిద్ధమైంది.