సూపర్‌స్టార్ మహేష్‌బాబు నటిస్తున్న ‘స్పైడర్’ సినిమా షూటింగ్ పూర్తిచేసుకుంది. మిగిలిన ఒక్క పాటను ఇటీవలే యూరప్‌లో చిత్రీకరించారు. మరోవైపు పోస్ట్ ప్రొడక్షన్ కార్యక్రమాలు జరుపుకుంటున్న ఈ చిత్రానికి క్రేజీ దర్శకుడు మురుగదాస్ దర్శకత్వం వహిస్తున్నారు. ఇప్పటికే భారీ అంచనాలు పెంచిన స్పైడర్ చిత్రం తెలుగు, తమిళ భాషల్లో విడుదలవుతోంది.

ప్రస్తుతం అర్జున్ రెడ్డి సినిమా సంచలనం రేపుతోంది. పలు వివాదాలతో ఆసక్తిరేపుతున్న ఈ సినిమా మరోవైపు బాక్సాపీస్ వద్ద దూసుకుపోతోంది. ఇప్పటికే భారీ వసూళ్లు రాబట్టిన ఈ చిత్రం తమిళంలోకి రీమేక్ కానుంది. ఈ చిత్రం ద్వారా దర్శకుడిగా పరిచయమైన సందీప్ రెడ్డికి టాలీవుడ్‌లో మంచి క్రేజ్ దక్కింది. ఆయన తదుపరి చిత్రానికి సన్నాహాలు చేస్తున్నారు. షుగర్ ఫ్యాక్టరీ పేరుతో ఓ చిత్రాన్ని తెరకెక్కించనున్నారట.

విజయ్ సేతుపతి, గాయత్రి జంటగా డి.వి. సినీ క్రియేషన్స్ పతాకంపై రూపొందించిన చిత్రం ‘పిజ్జా-2’. రంజిత్ జయకొడి దర్శకత్వంలో డి.వెంకటేష్ అందిస్తున్నారు. ఈ చిత్రానికి సంబంధించిన అన్ని కార్యక్రమాలు పూర్తిచేసి విడుదలకు సిద్ధం చేశారు.

చంద్రకాంత్, రాధిక మెహరోత్రా, పల్లవిడోరా ప్రధాన తారాగణంగా థర్డ్ ఐ క్రియేషన్స్ పతాకంపై రఘురామ్ రొయ్యూరు దర్శకత్వంలో గోవర్థన్ రూపొందించిన చిత్రం ప్రేమ ఎంత మధురం ప్రియురాలు అంత కఠినం. టీజర్‌ను కథానాయకుడు నారా రోహిత్ హైదరాబాద్‌లో విడుదల చేశారు. ఈ సందర్భంగా ఆయన మాట్లాడుతూ టీజర్ వైవిధ్యంగా ఉందని, సినిమా విజయవంతం అవ్వాలని కోరుకున్నారు.