మెగాస్టార్ చిరంజీవి హీరోగా నటించే 151వ సినిమా కోసం జోరుగా సన్నాహాలు జరుగుతున్నాయి. స్వాతంత్య్ర సమరయోధుడు ఉయ్యాలవాడ నరసింహారెడ్డి కథతో తెరకెక్కే ఈ చిత్రాన్ని 150 కోట్ల భారీ బడ్జెట్‌తో తెరకెక్కిస్తున్నారు. సురేందర్‌రెడ్డి దర్శకత్వంలో రూపొందే ఈ సినిమాలో హీరోయిన్‌కోసం అనే్వషణ సాగుతున్న విషయం తెలిసిందే. ఇప్పటికే పలువురు హీరోయిన్ల పేర్లు వినిపించినప్పటికీ బాలీవుడ్ భామ సోనాక్షి సిన్హా ఫైనల్ అయిందట.

తెలుగులో సైతం మంచి మార్కెట్ సంపాదించుకున్న తమిళ స్టార్ హీరో ధనుష్ ప్రస్తుతం విఐపి-2 చిత్రాన్ని విడుదల చేయడానికి సిద్ధమవుతున్నారు. జూలై 28న ఈ చిత్రం తెలుగు, తమిళంలో రిలీజ్ కానుంది. 2014లో వచ్చిన విఐపికి సీక్వెల్‌గా ఈ చిత్రం రూపొందింది. ఈ విఐపి ప్రాంఛైజీలో విఐపి-3, విఐపి-4 అనే ఇంకో రెండు సీక్వెల్స్ వస్తాయని ధనుష్ తెలిపారు.

రాజ్యలక్ష్మి క్రియేషన్స్ పతాకంపై డా.వడ్డేపల్లి కృష్ణ దర్శకత్వంలో రూపొందిన చిత్రం ‘లావణ్య విత్ లవ్‌బాయ్స్’. పావని, కిరణ్, యోధ, సాంబ ప్రధాన పాత్రల్లో నటించారు. నర్సింలు పటేల్ చెట్టి, సి.రాజ్యలక్ష్మి ఈ చిత్రాన్ని నిర్మించారు. యశోకృష్ణ బాణీలను అందించిన ఈ చిత్ర గీతాలు సోమవారం హైదరాబాద్‌లో విడుదలయ్యాయి. బిగ్ సీడీని రాష్ట్ర ప్రభుత్వ సలహాదారు కె.రమాణాచారి, రచయిత పరుచూరి గోపాలకృష్ణ విడుదల చేశారు.

మహేష్‌బాబు చేస్తున్న భారీ బడ్జెట్ చిత్రం ‘స్పైడర్’ చిత్రీకరణ చివరి దశకు చేరుకుది. ప్రస్తుతం పాటల షూటింగ్ జరుగుతుండగా టీమ్ పోస్ట్ ప్రొడక్షన్ పనుల్ని వేగవంతం చేసింది. అభిమానులు ఎన్నో రోజుల నుండి ఎదురుచూస్తున్న చిత్ర టీజర్ ఈ జూలై నెలాఖరున రిలీజ్ కానుంది. దీనికి సంబంధించిన ఏర్పాట్లు జరుగుతున్నాయి.