చాలా గ్యాప్ తరువాత రవితేజ మళ్లీ పూర్వవైభవాన్ని అందుకోవడానికి ప్రయత్నిస్తున్న చిత్రం ‘టచ్ చేసి చూడు’. లక్ష్మీ నరసింహ ప్రొడక్షన్స్ ప పతాకంపై విక్రం సిరికొండ దర్శకత్వంలో నల్లమలుపు శ్రీనివాస్, వల్లభనేన వంశి సంయుక్తంగా రూపొందిస్తున్న ఈ చిత్రంలో రాశీఖన్నా, లావణ్య త్రిపాఠి కథానాయికలుగా నటిస్తున్నారు. రెగ్యులర్ షూటింగ్ శరవేగంగా సాగుతున్న ఈ చిత్రాన్ని పాండిచ్చేరిలో చిత్రీకరించారు.

రాజశేఖర్ పోలీసు అధికారిగా గరుడవేగతో మరోసారి తన స్టైల్లో ప్రేక్షకులను అలరించనున్నాడు. ప్రవీణ్ సత్తార్ దర్శకత్వంలో జ్యోస్టార్ ఎంటర్‌ప్రైజెస్ సమర్పణలో రూపొందిస్తున్న చిత్రానికి నిర్మాత కోటేశ్వరరాజు. చిత్రానికి సంబంధించిన పోస్ట్ ప్రొడక్షన్ కార్యక్రమాలు జరుపుతున్నారు. తాజాగా శృంగారతార సన్నీలియోన్‌పై చిత్రీకరించిన పాట పూర్తయ్యింది.

సినిమా హిట్టయినా ఫట్టయినా మనం దాన్ని పాజిటివ్‌గా తీసుకున్నప్పుడే తరువాతి ప్రాజెక్టులకు వెళ్లగలం. అలాగని ఎందుకిలా అయింది అని బాధపడుతూ కూర్చుంటే వచ్చిన అవకాశాలు కూడా వెనక్కి వెళతాయి. స్టార్ హీరోయిన్ అని నన్నంటుంటే విని వదిలేస్తానే కానీ తల ఎగరేయనంటోంది అందాల భామ రకుల్ ప్రీత్‌సింగ్. మనల్ని అందరూ పొగుడుతూ వుంటే వినడానికి చాలా బాగుంటుంది. కానీ అదే నిజమనుకుంటే మాత్రం ఇబ్బందులేనని తెలివిగా చెబుతోంది.

బాహుబలిమీది గౌరవంతోనో, భయంతోనో వెనక్కి జరిగిన స్టార్ హీరోలంతా -సినిమాలు పూర్తి చేసేందుకు సిద్ధమవుతున్నారు. అత్యంత భారీ బడ్జెట్‌తో తెరకెక్కిన ‘బాహుబలి’ ఏప్రిల్ మొత్తాన్ని కుదిపేయడంతో -పెద్ద హీరోలు, దర్శకులు ఈనెల మొత్తాన్ని బాహుబలికే వదిలేశారు.