జయంత్, గీతాంజలి జంటగా శే్వతాబసు ప్రసాద్ కీలక పాత్రలో నటిస్తున్న చిత్రం ‘మిక్చర్ పొట్లం’. గోదావరి సినీటోన్ పతాకంపై ఎంవి సతీష్‌కుమార్ దర్శకత్వంలో కలపటపు శ్రీలక్ష్మీప్రసాద్ రూపొందిస్తున్న చిత్రానికి సంబంధించిన సెన్సార్ కార్యక్రమాలు పూర్తిచేశారు.

నందు, పూజా రామచంద్రన్ జంటగా వరప్రసాద్ వరికూటి దర్శకత్వంలో హరిహర చలనచిత్ర పతాకంపై రూపొందుతున్న చిత్రం ‘ఇంతలో ఎనె్నన్ని వింతలో’. ఈ చిత్రం షూటింగ్ పూర్తి చేసుకుని విడుదలకు సిద్ధమైంది. ఈ సందర్భంగా దర్శక నిర్మాతలు చిత్ర వివరాలు తెలియజేస్తూ ఇప్పటివరకు తెలుగులోరాని భిన్నమైన ప్రేమకథతో రూపొందించిన చిత్రమిది అన్నారు. ఇటీవలే విడుదలైన ఫస్ట్‌లుక్‌కు మంచి స్పందన లభించిందన్నారు.

ఎన్టీఆర్- త్రివిక్రమ్ కాంబినేషన్‌లో ఓ చిత్రం రానుందని ఎప్పటినుంచో వినిపిస్తున్న వార్త. ఎట్టకేలకు ఆ సినిమా సెట్స్‌పైకి వెళ్లనుంది. ఈ ఏడాది చివరిలో చిత్రాన్ని ప్రారంభించనున్నారని ఫిల్మ్ ఇండస్ట్రీ టాక్. త్రివిక్రమ్ ప్రస్తుతం పవన్‌కళ్యాణ్ సినిమాతో బిజీగా వుంటే, ఎన్టీఆర్ బాబీతో రూపొందిస్తున్న చిత్రంలో నటిస్తున్నారు. ఈ రెండు చిత్రాలు పూర్తయ్యాకే ఎన్టీఆర్- త్రివిక్రమ్ సెట్స్‌పై కలవనున్నారు.

గ్లామర్ భామ రెజీనాకు ఈమధ్య అవకాశాలు బాగా తగ్గాయి. దానికి కారణం ఈమె నటించిన సినిమాలు వరుసగా ఫ్లాప్ అవుతుండటంతో కొత్త అవకాశాలు రావడంలేదు. గ్లామర్ ఆరబోతలో ఏమాత్రం అరమరికల్లేకున్నా, ఎందుకో రెజీనాకు టైం కలిసిరావట్లేదు. రవితేజ, సాయిధరమ్‌తేజ్ లాంటి హీరోల సరసన నటించిందన్న రికార్డే తప్ప, స్టార్ హీరోల సినిమాల్లో మాత్రం అవకాశాలు పట్టలేకపోతోంది.