కథానాయిక ప్రాధాన్యత వున్న సినిమాల్లో వరుసగా గ్లామర్ డాల్‌గాను, మరోవైపు ఉత్తమ నటిగానూ గుర్తింపు పొందిన అనుష్క గొప్ప నటి కాదని దర్శకుడు రాజవౌళి ఓ ఇంటర్వ్యూలో తెలిపాడు. ‘ఆమె గొప్ప నటి అని చెప్పలేం కానీ ప్రొఫెషనల్ నటి అని మాత్రం చెప్పగలను. చెప్పిన విషయాన్ని చాలా జాగ్రత్తగా ఆకళింపు చేసుకొని నటించే ప్రయత్నం చేస్తుంది. ఎవరితో ఎలా మసలుకోవాలో ఆమెకు తెలిసినట్లుగా మరెవరికి తెలియదని నా ఉద్దేశ్యం.

లక్కీ మీడియా పతాకంపై నిర్మాత బెక్కం వేణుగోపాల్ మరో రెండు చిత్రాలు నిర్మించనున్నట్టు ప్రకటించారు. రెండు ప్రాజెక్టులు ప్రస్తుతం ప్రీ ప్రొడక్షన్ కార్యక్రమాల్లో ఉన్నాయి. పుట్టిన రోజు సందర్భంగా ఈ విషయాన్ని వెల్లడిస్తూ, ఇద్దరు కొత్త దర్శకులు హర్ష, నరేష్‌లకు అవకాశం కల్పిస్తూ రెండు చిత్రాలను నిర్మిస్తున్నట్టు వెల్లడించారు.

గద్దర్.. తెలంగాణ పోరాటంలో తన పాటతో ప్రజల్లో చైతన్యాన్ని తీసుకొచ్చిన ప్రజా గాయకుడు. ఆయన పాటలంటే ఇష్టపడనివారుండరు. విప్లవ నేతగా ఖ్యాతి తెచ్చుకున్న గద్దర్ అడపాదడపా సినిమాలకు పాటలు రాస్తున్న విషయం తెలిసిందే. ‘బండెనకబండిగట్టి/ పదహారు బండ్లుగట్టి’ పాట పాపులార్టీని ప్రత్యేకంగా పరిచయం చేయక్కర్లేదు. ఈమధ్యే ‘జై బోలో తెలంగాణ’ సినిమా కోసం ‘పొడుస్తున్న పొద్దు మీద’ అనే పాటతో మరో సంచలనం సృష్టించాడు.

అచ్చతెలుగు చిత్రాలను రూపొందించిన దర్శక రుషి కె విశ్వనాధ్‌కు ప్రతిష్ఠాత్మకమైన దాదాసాహెబ్ ఫాల్కే అవార్డు రావడం తెలుగు వ్యక్తికి గర్వకారణమని నటుడు పవన్‌కళ్యాణ్ అన్నారు. హైదరాబాద్‌లోని కె విశ్వనాధ్ స్వగృహానికి వెళ్లి గౌరవ సూచికంగా పుష్పగుచ్ఛం అందించి అభినందనలు తెలిపారు.