అవసరాల శ్రీనివాస్ కథానాయకుడిగా నవీన్ మేడారం దర్శకత్వంలో అభిషేక్ పిక్చర్స్ పతాకంపై అభిషేక్ నామా రూపొందించిన చిత్రం ‘బాబు బాగా బిజీ’. ఈ చిత్రానికి సంబంధించిన ట్రైలర్‌ను శుక్రవారం విడుదల చేశారు. బాలీవుడ్‌లో అడల్డ్ కామెడీ జోనర్‌లో వచ్చిన హంటర్ చిత్రానికి రీమేక్‌గా ఈ సినిమా నిర్మించారు. సినిమా షూటింగ్ పూర్తిచేసుకున్న ఈ చిత్రం త్వరలో విడుదలకు సిద్ధమైంది.

సిద్ధాంశ్, రేయాన్ రాహుల్, తేజస్విని ప్రధాన తారాగణంగా కళానిలయ క్రియేషన్స్ పతాకంపై తెరకెక్కిన చిత్రం ‘సినీమహల్’ (రోజూ 4 ఆటలు). లక్ష్మణ్ వర్మ దర్శకత్వంలో బి.రమేష్ రూపొందించారు. ఈ చిత్రానికి సంబంధించిన సెన్సార్ కార్యక్రమాలు పూర్తిచేసి ఈనెల 31న విడుదల చేయడానికి సన్నాహాలు జరుపుతున్నారు.

కథానాయకుడు నాగార్జున, సమంత, సీరత్‌కపూర్ ప్రధాన తారాగణంగా ఓంకార్ దర్శకత్వంలో రూపొందిస్తున్న ‘రాజుగారి గది-2’ చిత్రానికి సంబంధించిన మూడో షెడ్యూల్ పాండిచ్చేరిలో జరుగుతోంది. ఇప్పటికే రెండు షెడ్యూల్స్ పూర్తిచేసుకున్న ఈ సినిమా నాగార్జున కెరీర్‌లో వైవిధ్యమైన చిత్రంగా నిలవనున్నది. సమంత పోషిస్తున్న పాత్ర ఈ చిత్రంలో హైలెట్‌గా వుంటుందని చెబుతున్నారు.

‘రన్ రాజా రన్’ సినిమాతో లుకింగ్ స్మార్ట్ హీరోయిన్‌గా గుర్తింపు తెచ్చుకున్న తరువాత ‘టైగర్’, ‘కొలంబస్’ చిత్రాలతో అలరించింది సీరత్‌కపూర్. అయితే, ఈ సినిమాలేవీ ఆమెకు సరైన అవకాశాలు తెచ్చిపెట్టలేకపోయాయి. ఇలా నార్మల్‌గా వుంటే లాభం లేదనుకుందో ఏమో, రూట్ మార్చేసింది. హాట్ ఫొటోషూట్‌తో కుర్రకారుకు మతిపోయేలా అందాలను ప్రదర్శిస్తోంది.