ఓ వైపు టాలీవుడ్, కోలీవుడ్, మరోవైపు బాలీవుడ్ అంటూ రకరకాల అవకాశాలతో ఉత్తరాది నుంచి దక్షిణాదికి చక్కర్లు కొట్టేస్తోంది నటి శ్రుతిహాసన్. ఇంత బిజీలో కూడా అమ్మడిపై ఏవో రూమర్లు వినిపిస్తూనే ఉన్నాయి. వాటన్నిటినీ అసలు పట్టించుకోదనుకోండి! అయినా కానీ ఆమె పట్టించుకునేలా ఓ కొత్త కథనం వినిపిస్తోంది. అవేంటంటే తాజాగా లండన్‌లో నటుడైన మైఖేల్ కోర్సలేతో ఎయిర్‌పోర్టులో కనిపించింది ఈ భామ.

ప్రముఖ నటి, ప్రస్తుతం హిందీలో స్టార్ హీరోయిన్‌గా మన్ననలు పొందుతున్న తాప్సి తన అభిమాని విజ్ఞప్తిమేరకు అతని వివాహానికి హాజరుకానుంది. సికింద్రాబాద్‌కు చెందిన ఆ అభిమాని వివాహం వచ్చే నెలలో జరగనుంది. రెగ్యులర్‌గా ఈమెయిల్స్, చాటింగ్ ద్వారా టచ్‌లో ఉండే ఈ అభిమానికి తాప్సి అంటే ఎనలేని గౌరవమట. అంతేగాక అతను తాప్సి ఫాన్స్ క్లబ్‌లో అధికారిక సభ్యుడట.

అందము, కాస్త నటించే శక్తి ఉంటే సినిమాలే చేయక్కర్లేదు. బోలెడు అవకాశాలు మనకోసం ఎదురుచూస్తున్నాయి. వాటిని ఎప్పుడు ఎలా ఉపయోగించుకోవాలో తెలిసిన వాళ్లకి ఎలాంటి ఢోకా లేదని, సినిమాలే టార్గెట్ అని అనుకుంటే ఇబ్బందులు పడతామని చెప్పుకొచ్చింది నేహాధూపియా. హిరోయిన్‌గా బాలీవుడ్‌లో పాపులారిటీ సంపాదించాలని ప్రయత్నించిన నేహాధూపియాకి అవకాశాలు తలుపుతట్టలేదు.

సినిమా అవకాశాలు మనకు మార్కెట్ ఉన్నంతకాలమే వస్తాయి. ఆ తర్వాత ఏవో చిన్న చిన్న పాత్రలు వస్తే నటిస్తూ కూర్చోడం నావల్లకాదు. అందుకే దానికన్నా పక్కకు తప్పుకొని, గౌరవప్రదమైన వృత్తిని ఎంచుకోవడం మంచిదని చెబుతోంది టాలీవుడ్ బ్యూటీ రకుల్‌ప్రీత్‌సింగ్. ఎప్పటికప్పుడు మార్కెట్ విలువ మారిపోయే పరిశ్రమలో ఎప్పుడూ హీరోయిన్‌గానే ఉంటాను, అంతే పారితోషికం ఇవ్వమంటే ఎవ్వరూ ఇవ్వరు.