సునీల్ కథానాయకుడిగా యునైటెడ్ కిరీటి మూవీస్ పతాకంపై క్రాంతిమాధవ్ దర్శకత్వంలో పరుచూరి కిరీటి రూపొందిస్తున్న చిత్రానికి ‘ఉంగరాల రాంబాబు’ అనే పేరును ఖరారు చేశారు. ఈ సందర్భంగా నిర్మాత మాట్లాడుతూ, రథసప్తమి సందర్భంగా ప్రచార రథాన్ని శుక్రవారం సునీల్ ప్రారంభించారని, అన్ని కమర్షియల్ హంగులతో రూపొందిస్తున్న ఈ చిత్రం వైవిధ్యభరితంగా ఉంటుందన్నారు.

రాజశేఖర్ కథానాయకుడిగా ప్రవీణ్ సత్తార్ దర్శకత్వంలో శివాని, శివాత్మిక మూవీ సమర్పణలో జ్యోస్టార్ ఎంటర్‌ప్రైజెస్ పతాకంపై రూపొందిస్తున్న చిత్రం ‘పి.ఎస్.వి. గరుడవేగ 126.18 ఎం’. ఈ చిత్రానికి సంబంధించిన షూటింగ్ శరవేగంగా సాగుతోంది.

తొలి సినిమా ‘నేను శైలజ’తో సూపర్‌హిట్ కొట్టింది మలయాళ భామ కీర్తి సురేష్. ఆ సినిమాలో కీర్తి అందం, అభినయం రెండూ తెలుగు ప్రేక్షకుల్ని ఆకట్టుకున్నాయి. నానితో కీర్తి జతకట్టిన ‘నేను లోకల్’ మీద కూడా అంచనాలు బాగానే ఉన్నాయి. మరోవైపు పవన్‌కళ్యాణ్ లాంటి పెద్ద హీరోతో నటించే అవకాశం కూడా పట్టేసింది కీర్తి. ఇంకా రెండు, మూడు భారీ చిత్రాల్లో అవకాశాలు ఆమె కోసం ఎదురుచూస్తున్నాయి.

రవితేజ కథానాయకుడిగా లక్ష్మీనరసింహా ప్రొడక్షన్స్ పతాకంపై విక్రమ్ సిరికొండ దర్శకత్వంలో నల్లమలుపు శ్రీనివాస్, వల్లభనేని వంశీమోహన్ రూపొందిస్తున్న చిత్రం ‘టచ్ చేసి చూడు’. ఈ చిత్రానికి సంబంధించిన ప్రారంభోత్సవ కార్యక్రమం హైదరాబాద్‌లో జరిగింది. రవితేజపై నిర్మాత వంశీ మోహన్ క్లాప్‌నివ్వగా, గౌతంరాజు కెమెరా స్విచ్చాన్ చేశారు. వి.వి.వినాయక్ గౌరవ దర్శకత్వం వహించారు.