రఫ్ అండ్ టఫ్‌గా తిరిగే కుర్రాళ్ళ కథనంతో నలుగురు బాల నేరస్థుల కథతో రూపొందించిన ‘మాంజా’ చిత్రం అందరికీ నచ్చిందని కథానాయకుడు దీప్ పాథక్ తెలిపారు. భీమవరం టాకీస్ పతాకంపై తుమ్మలపల్లి రామసత్యనారాయణ అందించిన ‘మాంజా’ చిత్రం ఇటీవల విడుదలైన సంగతి తెలిసిందే. ఈ చిత్రం అన్ని కేంద్రాల్లో మంచి రెస్పాన్స్‌తో సాగుతోందని ఆయన తెలియజేశారు.

సందీప్, కోమలి, భవ్యశ్రీ ప్రధాన తారాగణంగా సందీప్‌కిషన్ క్రియేషన్స్ ప పతాకంపై డా వెంకన్న రూపొందించిన చిత్రం ‘నేనూ సీతాదేవి’. ఈ చిత్రం అన్ని కార్యక్రమాలు పూర్తిచేసుకుని ఈనెల 14న విడుదలకు సిద్ధమైంది. ఈ సందర్భంగా నిర్మాత మాట్లాడుతూ- ఆహ్లాదంగాసాగే ప్రేమకథా చిత్రంగా రూపొందిన ఈ సినిమాలో కమర్షియల్ అంశాలు అన్నీ వుంటాయని తెలిపారు.

‘హీరోయిన్ ఎలా ఉంటే ప్రేక్షకులు ఇష్టపడతారో అలా హైపర్ చిత్రంలో నేను నటించాను. అందులో రెండు పాత్రల్లో వైవిధ్యమైన షేడ్స్ చూపడం మరింత ఆనందాన్నిస్తోంది. ఒకటి కళ్లజోడుతో అమాయకంగా కనిపించే భానుమతిలా, మరొకటి పక్కా మాస్ మసాలాతో మోడరన్‌గా ఉండే అమ్మాయిలా రెండు షేడ్స్‌ను దర్శకుడు ఎలా జెబితే అలా చేసుకుంటూ వెళ్లాను’ అని నటి రాశీఖన్నా తెలిపారు.

నందమూరి కల్యాణ్‌రామ్ కథానాయకుడుగా పూరి జగన్నాథ్ దర్శకత్వంలో నందమూరి తారకరామారావు ఆర్ట్స్ పతాకంపై రూపొందిస్తున్న పవర్‌ఫుల్ యాక్షన్ ఎంటర్‌టైనర్ ‘ఇజం’. ఈ చిత్రానికి సంబంధించిన పోస్ట్ ప్రొడక్షన్ కార్యక్రమాలు జరుగుతున్నాయి. సినిమాను అన్ని కార్యక్రమాలు పూర్తిచేసి, అక్టోబర్ 20న విడుదల చేయడానికి సన్నాహాలు జరుపుతున్నారు.