నందమూరి బాలకృష్ణ, మోహిని జంటగా సింగీతం శ్రీనివాసరావు దర్శకత్వంలో తెరకెక్కిన ‘ఆదిత్య-369’ చిత్రం 1991లో విడుదలై సంచలన విజయం సాధించింది. ఎలాంటి గ్రాఫిక్ టెక్నాలజీ లేకున్నప్పటికీ అద్భుతమైన ప్రయోగంతో చిత్రాన్ని రూపొందించి ప్రేక్షకులకి కొత్త అనుభూతి కలిగించారు. టైమ్‌మిషన్ కథతో తెరకెక్కిన ఈ చిత్రం భూత, వర్తమాన, భవిష్యత్ కాలాల్లో ప్రయాణించినట్లు చూపిన కథనం అబ్బురపరిచింది.

ఎం.ఆర్. ఎంటర్‌టైన్‌మెంట్స్ పతాకంపై శైలేష్ బొలిశెట్టి, దీక్షాపంత్, అంగనారాయ్ ప్రధాన తారాగణంగా మోహనప్రసాద్ దర్శకత్వంలో ఎం.రాఘవయ్య రూపొందించిన చిత్రం ‘చల్ చల్ గుర్రం’. ఈ చిత్రానికి సంబంధించిన అన్ని కార్యక్రమాలు పూర్తిచేసి, విడుదలకు సిద్ధం చేశారు.

అక్కినేని ఫ్యామిలీ హీరోలు కలిసి చేసిన ‘మనం’ సినిమా చూసినవాళ్ళు చాలామంది హీరోలకు.. అరే మనం కూడా ఇలాంటి ఫ్యామిలీ సినిమాచేస్తే బాగుంటుందని అనుకున్నారు. ఇప్పటికే మెగా హీరోలు కూడా ఆ దిశగా ప్రయత్నాలు సాగిస్తున్నారు. మరోవైపు నందమూరి హీరోలు కూడా ఇలాంటి సినిమా చేయాలని వారి అభిమానులు కోరుకుంటున్నారు. ఇక మిగిలింది దగ్గుబాటి హీరోలు. ఇప్పటికే వెంకటేష్ స్టార్ హీరోగా ఇమేజ్ తెచ్చుకున్నాడు.

నాగచైతన్య కల్యాణం సమంతతో జరుగుతుందని వార్తలు వస్తున్నాయి...! ఇప్పుడు ఆ కల్యాణంలో మరో హీరోయిన్ పేరు విన్పిస్తోందని కంగారు పడాల్సిన పనిలేదులెండి. ఇక్కడ కల్యాణం అంటే.. నాగ చైతన్య పెళ్లి గురించి కాదు. ఆయన హీరోగా నటిస్తున్న ‘కల్యాణం’ సినిమా గురించి! ఇప్పటికే నాగచైతన్య, సమంతల ప్రేమాయణం మంచి జోరుమీదున్న విషయం తెలిసిందే.