S ,7 à 8 RSCA (si SASPAS) et 6 cialis pharmacie cialis rapports de stage.

విజయవాడ

06/27/2016 - 08:03

ఎనిమిదో తరగతి విద్యార్థినిని లైంగికంగా వేధిస్తున్న ఉపాధ్యాయుడికి దేహశుద్ధి అని న్యూస్ ఛానెళ్లలో బ్రేకింగ్ న్యూస్, క్లిప్పింగ్స్, స్క్రోలింగ్స్ వరుసగా లైవ్ అవుతున్నాయి. టీవీ చూస్తున్న సహజశ్రీ దిగ్గున లేచింది. సహజశ్రీతో పాటు లాయర్ కూడా ఘటనాస్థలికి చేరుకున్నారు. అక్కడి దృశ్యం భయానకంగా ఉంది.

06/19/2016 - 08:38

ఫ్రెండ్‌ని చూడటానికి వృద్ధాశ్రమానికి వెళ్లింది జానకి. అక్కడి ప్రశాంతత, సీనియర్ సిటిజన్స్‌తో కబుర్లు చెపుతుంటే కాలమే తెలియలేదు. ఇంటికి వచ్చాక భర్తతో అంది ‘నాకు కొన్నాళ్లు ఆ వృద్ధాశ్రమంలో వుండాలని వుందని’!
ఉలిక్కిపడ్డాడు రామారావు.
‘ఇదేం కోరిక? సీతాదేవి మళ్లీ వనాలకి వెళ్లి కొంతకాలం విహరించాలని వుందని రాముడిని కోరినట్లు’ అన్నాడు.

06/12/2016 - 00:53

వేసవి మండుటెండలో
ఉక్కబోతతో హోరెత్తిపోతుంటే
ఉన్నట్టుండి వీస్తున్న వడగాడ్పులకు
ప్రాణాలు ఆవిరైపోతుంటే
జాతీయ రహదారిపై ఒంటరి పయనం
కాళరాత్రి కన్నా కర్కశంగా
కఠిన హృదయం కలదై
కాలం సాగదీసుకొని
కళ్లల్లో నిప్పులు పోసుకొని
ఈ సమస్త ప్రాణికోటిపై
కసిదీరా కుమ్మరిస్తుంటే
ఇక మనుగడ
మరణ సదృశమే!

06/12/2016 - 00:44

17వ శతాబ్ది ప్రథమార్ధంలో తంజావూరు రఘునాథ భూపతి ఆస్థానంలో చేమకూర వెంకటపతి అనే కవి వుండేవాడు. ఆయన శృంగార రస ప్రధాన గ్రంథాలు రెండు రాశాడు. మొదటిది సారంగధర చరిత్ర. ఇది ఆయన ప్రథమ ప్రయత్నం అవటం వల్ల అంత బాగా కుదరలేదు. అయినా కొన్ని పద్యాలు అద్భుతంగా వుంటాయి. మచ్చుకొక పద్యం.
కలరా యిలరాయనికిం
కులసతి రత్నాంగి భోగ కుటిల శిరోజా
తిలకము చిత్రాంగియు నన

06/12/2016 - 00:41

‘స్టూడెంట్స్! మీరంతా బాగా చదివి, దేశం గర్వించదగ్గ మేధావులై దేశానికి మంచిపేరు తేవాలి’.. అంటూ అభిలషించారు తెలుగు మాస్టారు. ‘ఇప్పుడున్న పేరు బాగానే ఉందిగా మాస్టారు! భా-ర-త-దే-శం. ఇంకా ఏం మంచిపేరు తేవాలి?’ ఛలోక్తిగా అన్నాడు ఒక విద్యార్థి.
‘ఒహో! నీకు అలా అర్థమైందా? కూర్చో వెధవా!’ అంటూ గదమాయించారు. ఇంతలో మాస్టారి అనుమతితో లోపలికి వచ్చిన ఒక యువతి మాస్టారికి ఒక ఫొటో ఇచ్చి గుర్తుపట్టమన్నది.

06/12/2016 - 00:37

‘కంచి మేకలు’ కథా సంపుటితో ప్రారంభించి ‘చొరబాటు’తో కథకుడిగా తన స్థానం సుస్థిరం చేసుకున్న కథా రచయిత శిరంశెట్టి కాంతారావు. నాలుగో కథా సంపుటిగా ఆయన ‘చొరబాటు’ను ప్రచురించారు. ఈ కథలన్నీ ఇంతకుముందు వివిధ పత్రికల్లో ప్రచురించినవే. ఇందులో మొత్తం పద్దెనిమిది కథలున్నాయి. ప్రతి కథలోనూ దోపిడీ, పీడన సామాన్యుని జీవితంలోకి ఎలా చొరబడతాయో దృశ్యమానం చేసి చూపారు రచయిత.

06/05/2016 - 07:46

ఆరేళ్ల రాజు రోజూ ఉదయం 8 గంటలకు టిఫిన్ తిని బడికి వెళతాడు. ఇదే అతని నిత్యకృత్యం. రోజూ టిఫిన్ తినేటప్పుడు వాళ్ల ఇంటి పెరటిలోని మామిడి చెట్టు కింద కొంచెం పెట్టేవాడు. దాన్ని ఆ చెట్టు మీదున్న పక్షులు తింటుంటే ఎంతగానో ఆనందించేవాడు.

05/30/2016 - 00:12

‘ఏరా! నేను వ్యాపారం కోసం పట్నం వచ్చి రెండు నెలలైంది. ఇంటి దగ్గర వార్తలు ఏమీ తెలియటం లేదు. విశేషాలు ఏమిటి?’
‘మీరు ప్రేమగా పెంచుకునే చిలుక ఎగిరిపోయిందండీ!’
‘ఎలా ఎగిరిపోయింది? పంజరం తలుపు వేయటం మర్చిపోయారా?’
‘మర్చిపోలేదు. పనివాళ్లు కావాలనే తెరిచారు’
‘కావాలని ఎందుకు తెరిచారు?’
‘మన ఇల్లు కాలిపోతూంటే ఆ మంటల్లో పడి చచ్చిపోదటండీ!’

05/22/2016 - 22:40

ఆరోజు మాతృ దినోత్సవం. ఈసందర్భంగా కొత్తగా కట్టిన అనాధాశ్రమాన్ని ప్రారంభిస్తున్నారు. అందులో వృద్ధుల్ని, మరోవైపు అనాధల్ని చేర్చుకొని భోజనాలు, దుస్తులు, ఇతర అన్ని సౌకర్యాలు ఏర్పాటు చేస్తున్నారు. ఎంతోమంది తమ తల్లుల్ని సరిగా చూడక, పట్టించుకోకుండా ఆశ్రమాల్లో చేర్పిస్తున్నారు. ఆరోజు కొత్తగా ఎన్నికయిన ప్రజాప్రతినిధి గురునాథం గార్ని ప్రారంభోత్సవానికి పిలిచారు.

05/15/2016 - 05:38

అది మేము రోజూ కాలేజీకి వెళ్లేదారి. కాలేజీ బస్సు సరిగ్గా ఉదయం 8 గంటలకే బయలుదేరుతుంది. ఒక పెద్ద ఫ్లైవోవరు మీదుగా వెళ్లాలి. దాని కింది నుంచి రైళ్లు పరుగెడుతూ వుంటాయి. ఆ రైలు కట్ట పక్కనే ఒక గుడి వుంది. ఉదయం వేళ కాబట్టి గుడిగంటలు మైకులో బాగా వినిపిస్తూ వుంటాయి. ఈ ఫ్లైఓవరు మీద ట్రాఫిక్ రద్దీగా వుండటం వల్ల అన్ని మోటారు వాహనాలు మెల్లగానే వెళ్లాలి. అందువల్ల అన్ని శబ్దాలు బాగానే వినిపిస్తాయి.

Pages