న్యూఢిల్లీ, ఆగస్టు 29: తెలుగు రాష్ట్రాల్లోని న్యాయాధికారుల విభజన వివాదంపై సుప్రీం కోర్టులో వాదనలు పూర్తయ్యాయి. ఆంధ్రప్రదేశ్, తెలంగాణలోని న్యాయాధికారుల విభజనపై దాఖలైన పిటిషన్లపై వాద ప్రతివాదనలు విన్న న్యాయమూర్తులు ఏ.కే సిక్రీ, ఆశోక్ భూషన్‌లతో కూడిన ధర్మాసనం తీర్పును రిజర్వు చేసింది.

న్యూఢిల్లీ, ఆగస్టు 29: దేశంలోని ప్రతి రాష్ట్రంలో ఉన్న కురుబ, ధనగర్ తదితర గొర్రెల కాపర్ల రాజకీయ, సామాజిక, ఆర్థికాభివృద్ధికి ప్రధాన మంత్రి నరేంద్ర మోదీ నాయకత్వంలోని ఎన్‌డిఏ ప్రభుత్వం ప్రత్యేక పథకాలను రూపొందిస్తోందని కేంద్ర జల వనరుల శాఖ మంత్రి నితిన్ గడ్కరీ ప్రకటించారు. గొర్రెలు, మేకల అభివృద్ధికి జాతీయ స్థాయి సంస్థను ఏర్పాటు చేసే ప్రతిపాదన కేంద్ర ప్రభుత్వ పరిశీలనలో ఉన్నదని గడ్కరీ తెలిపారు.

న్యూఢిల్లీ, ఆగస్టు 29: సరైన వైద్యం అందించకుండా రోగి మరణానికి కారణమైన నగరంలోని ఓ ప్రవేటు ఆసుపత్రికి ఢిల్లీ వినియోగదారుల ఫోరం 25 లక్షల రూపాయలు జరిమానా విధించింది. రోగి కుటుంబ సభ్యులకు 24 లక్షల రూపాయల పరిహారం, కోర్టు ఖర్చులకు మరో లక్ష రూపాయలు ఇవ్వాలంటూ జైపూర్ గోల్డెన్ ఆసుపత్రికి ఫోరం ఆదేశించింది.‘ఆసుపత్రిలో చేరిన వ్యక్తికి మానవతాదృక్పధంతో వైద్యం అందించాల్సిన కనీస బాధ్యత వైద్యులకుంది.

న్యూఢిల్లీ: కేంద్ర ప్రభుత్వ ఉద్యోగులకు రెండు శాతం డీఏ పెంచుతూ కేంద్ర కేబినెట్ నిర్ణయం తీసుకుంది. పెరిగిన డీఏ ఈ ఏడాది జులై 1 నుంచి అమల్లోకి వస్తుంది. అంతేకాదు పెన్షనర్లకు అదనపు ఇన్‌స్టాల్‌మెంట్ డియర్‌నెస్ రిలీఫ్ (డీఆర్) ఇవ్వాలని కూడా నిర్ణయించారు. ప్రస్తుతం బేసిక్ పేలో ఉన్న ఏడు శాతం కాకుండా అదనంగా రెండు శాతం డీఆర్ ఇవ్వనున్నారు.