న్యూఢిల్లీ, ఆగస్టు 24: ప్రధాన మంత్రి ఆవాస్ యోజన పథకం కింద పట్టణ ప్రాంత పేదలకు మరో 1.12 లక్షల ఇళ్లను కేంద్రం మంజూరు చేసింది. ఈ పథకం కింద ఎనిమిది రాష్ట్రాల్లో ఈ ఇళ్లను నిర్మిస్తారు. అందులో అధికంగా ఆంధ్రప్రదేశ్‌కు 37 వేల ఇళ్లను కేటాయిస్తున్నట్టు హౌసింగ్, అర్బన్ మినిస్ట్రీ తెలియజేసింది. సెంట్రల్ శాంక్షన్, మానిటరింగ్ కమిటీ (సిఎస్‌ఎంసి) కమిటీ ఈ మేరకు సమావేశమై వీటిని మంజూరు చేసింది.

హైదరాబాద్, ఆగస్టు 24: జంతువుల వధ తగ్గించి, మాంసం వినియోగం కోసం వృక్షజాతుల నుండి, కృత్రిమంగా మాంసం తయారుచేయడం ద్వారా దేశంలో సరికొత్త ఆహార విప్లవానికి బీజం వేసినట్టవుతుందని కేంద్ర శిశు సంక్షేమ మంత్రి మేనకా గాంధీ పేర్కొన్నారు. భవిష్యత్తులో ప్రోటీన్లను విభిన్నంగా వినియోగించుకోవడంపై శుక్రవారం నాడు ఐఐసీటీ ఆడిటోరియంలో జరిగిన సదస్సుకు ఆమె ముఖ్య అతిథిగా హాజరయ్యారు.

న్యూఢిల్లీ, ఆగస్టు 24: తెలంగాణ అసెంబ్లీకి గడువుకు ముందే ఎన్నికలు జరిపించే అంశంపై కేంద్ర ఎన్నికల సంఘం ఎలాంటి హామీ ఇవ్వలేదని తెలిసింది. సీఎం కేసీఆర్ సలహాదారు రాజీవ్ శర్మ, ఢిల్లీలో తెలంగాణ ప్రభుత్వం ప్రత్యేక ప్రతినిధి కేఎం సహానీ గురువారం కేంద్ర ఎన్నికల సంఘం కమిషనర్ అశోక్ లవాసాను కలిశారు. రాష్ట్ర శాసన సభ ఎన్నికలను గడువుకు ముందే జరిపించే అంశంపై ఆయనతో చర్చించారు.

న్యూఢిల్లీ: మధ్యప్రదేశ్, రాజస్థాన్, చత్తీస్‌గఢ్, మిజోరం అసెంబ్లీలతోపాటు లోక్‌సభ ఎన్నికలు ఈఏడాది డిసెంబర్ వచ్చే సంవత్సరం మార్చి మధ్యలో ఏప్పుడైనా జరగవచ్చని బీజేపీ వర్గాలు భావిస్తున్నాయి. మిగతా అసెంబ్లీ, లోక్‌సభ ఎన్నికలు ఫిబ్రవరి లేదా మార్చిలో జరగడానికే ఎక్కువ అవకాశాలున్నాయన్న కథనాలపై బీజేపీ జాతీయ కార్యవర్గ సమావేశాల్లో ఓ స్పష్టత వచ్చే అవకాశం ఉంది.